ORANJESTAD – E hoben Churlon F(44) a keda absolvi diahuebs di dos caso di abuso di menor, y a ordena su libertad inmediato. E caso a tuma lugar dia 29 di maart ultimo, unda cu a fiscal a acusa F. di den dos diferente caso, abusa di menor di edad, e prome ta victima M.dB, entre 2011 y 2013 y e di dos ta e victima D.R, enre 2010 y 2015. Pa ambos, huez a mustra cu no tin motibo di duda den declaracion di e victima, pero pa ley, no por basa su mes riba un solo testigo y mester di mas prueba cu esey. Den ambos caso, huez no a haya prueba cu tin suficiente motibo pa castiga e sospechoso, pa cual a absolvie di ambos caso.
PRUEBA
Den caso di menor di edad, banda di e declaracion di e victima, no tin pruba di sosten y esey ta haci e caso dificil pasobra ta algun cu lo a sosode solamente entre e victima y e sospechoso. Den caso cu no tin material di sosten di prueba, ta keda solamente e declaracionan respectivo, cu ta contradeci otor. Den e caso aki, ley no ta laga espacio pa un ‘declaracion proba’, huez no por basa su mes riba un solo testimonio. Como tal mester tin otro tipo di prueba pa sostene e declaracion di e victima. Si ta keda riba e declaracion di e victima so, no por castiga e sospechoso e ora. Como tal, huez mester dicidi si a cumpli cu e prueba minimo pa por sentencia. Y den ambos caso, esaki no tabatey. Como tal huez a absolve e homber aki di tur dos cargo. Lesa e sentencia AKI.
ORANJESTAD – E testigo principal di parti defensa den caso Flamingo, den e caso aki, e hefe di BCI, lo no por declara dilanti Huez Comisario. Asina ex minister Otmar Oduber a declara publicamente diamars. Segun e ex mandatario, Huez Comisario a informa nan diabierna ultimo cu e motibo ta cu salud di e testigono ta permiti.
ORANJESTAD – E caso riba proyecto Isla di Oro, cu a para ora cu a purba ‘wraak’ of destitui e huez en cuestion, ta continua fin di e luna aki, esta dia 29 di April proximo. Tabata dialuna cu corte a dicidi cu e peticion pa ‘wraak’ e huez, no ta valido y como tal e huez por continua trata e caso sin mas. For di informacion cu noticiacla a haya, ta mustra cu e caso lo no dura mucho largo mirando cu tabata practicamente na final di e tratamento, cu e peticion di ‘wraak’ e huez a keda solicita. E caso lo cuminsa pa 2’or y mei di atardi.
ORANJESTAD – Corte dialuna (tres huez) a dicidi cu e huez cu tabata trata e caso sumario entama pa Parke Arikock contra di proyecto na ex Isla di Oro, por keda trata e caso aki. Cu esaki e ta rechasa e peticion di parti di Gobierno di Aruba pa destitui y reemplasa e huez en cuestion di e caso en cuestion, A.vd L, di e caso, na Hulandes conoci cu e termino di ‘wraken’. Cu esaki, e caso por continua awor cu e huez en cuestion tratando esaki. E abogado di gobierno a demanda pa e huez en cuestion keda destitui di e caso, debi cu tabata parce cu e huez lo a mustra parcialidad pa cu e caso. Ora cu tin un situacion asina, e abogado por pidi pa kita e huez, osea ‘wraak’ e huez.
ORANJESTAD – Leynan y castigonan consecuente pa castiga matralto di animal (mascota) ta hopi deficiente. Asina abogado mr Lincoln “Dello” Gomez a constata e fin di siman aki. Segun e abogado, e ta referi na e caso di e cacho cu a conoce un maltrato cu a conduci na su morto finalmente. Cu esaki pueblo a pidi castigo pa e persona aki. Pero segun e abogado, e ta keda desapunta cu e leynan cu tin den un caso semejante. E abogado ta splica den e video.
ORANJESTAD – Manera cu Noticiacla.com a informa un dia prome, awe diabierna ex minister Guilfred Besaril a recobra su libertad, despues di tabata deteni pa 24 dia. Diahuebs e portal aki a informa cu Ministerio Publico no ta bay pidi pa prolonga e detencion di e ex minister, a lo menos cu Huez Comisario dicidi otro. Den e caso aki, e HC a opta pa bay cu OM, y a laga sr Besaril den libertad. Esey no kier men cu e ta liber di tur cargo, sino cu e no mester ta encarcela mas mientras cu e investigacion den e caso Tulipan ta sigui. E ta wordo acusa di entre otro malusa su funcion di minister, malversacion y estafa tempo cu e tabata den funcion na Hulanda como minister plenipotenciario durante e prome gabinete Wever Croes.