Padrastro di Eugene y Rishandro awor kier TBS prome cu ta laat

ORANJESTAD – “Ta un mucha homber hoben ke men un sintí cu ainda por forma. E escoho ta: nos ta trat’é awor i e ta sali liber cu e chens di mas chikito riba ripiticion. Of nos ta warda dies aña cu e riesgo cu e tratamentu lo no yuda mas.

Gabriel M. cu entretanto a cumpli 21 aña ta dilanti hues atrobe. Aña pasá juli el a haña castigo di 15 aña cera i TBS cu enfermeria forsa pasobra el a mata e dos rumannan chikito Eugene (3) y Richandro (5). Pero e por cuminsa e tratamento pa mas trempan despues cu e tin 10 aña cera. Y contra esaki e ta apela, su abogado Dellali Segbedzi ta bisa.

For di hoben Gabriel tin problema cu agrecion. E ta bini di un famia di cinco hende cu tata na Corsou y mama na Aruba. Na Hulanda caba su mayornan ta trata di busca ayudo p’e y e ta haña e diagnosis masha talentoso.

Ora e tin diesseis aña e famia ta bay Aruba caminda Gabriel ta bay traha. Pero e no ta logra tene un trabou, atrobe pa motibo di su agresividad, Segbedzi ta bisa. “Ainda su mayornan tabata pensa cu e mudamento pa Aruba lo yuda. Pero esaki no tabata e caso.”

E ta haña un relacion cu Risheila F., mama di e dos ruman hombernan chikito Eugene i Rishandro. E pareha, tur dos di 18 aña, ta bai biba den un apartamento di dos camber cu cuater yiu bou di cinco aña. Pasobra e ruman homber chikito di Risheila tambe ta biba cerca nan, pasobra na cas tin problema cu su mama tambe. E tata (biologico) di e ruman hombernan entretanto tin un famia nobo i apenas tin tempo pa nan, e abogado ta conta. Pronto Risheila ta sali na estado di Gabriel.

‘Polis a pasa 17 biaha, a mira cu tin mucha y e ora ei tampoco no a intervení’

Manera ta conocí tin hopi violencia den e famia. Pero for di tempo cu e mama ta mayor di edad, Voogdijraad ta tene su distancia. “Nunca mas nan no a pasa”, segun e abogado. Na 2016 Gabriel ta hinca Risheila den su pia. E mester bay cerá seis luna. Ora e sali e padrasa ta bai bek cerca e famia. E mester meldo na Reclassering pero e no ta bay. Sin consecuencia, Segbedzi ta bisa.

Tabatin suficiente señal segun e abogado cu e muchanan no tabata safe den e cas. “Mi cliente ta bisa: ami ta responsabel pa loke mi a haci. Na mes momento tabatin asina tanto indicacion cu cos no tabata bay bon den e famia. Bon mira Voogdijraad of un otro instancia mester a aktua. I bisa: e muchanan no por keda aki.”

FALTA CODIGO DI MELD PA VIOLENCIA DOMESTICO

Aña pasá e director di Voogdijraad Aisca Berkemeyer a bisa cu polis no tabatin codigo di meld  pa violencia domestico cu ta envolvi mucha. Y cu ta p’esei den e caso di e famia di Gabriel M. e notificacionnan no tabata haña suficiente atencion.

Investigacion cerca polis ta mustra cu te ainda no tin un codigo asina.

Aktualmente Voogdijraad no kier reaciona riba e caso ‘serio y sensitivo’ aki, tambe pasobra e ta dilanti hues atrobe. Berkemeyer ta laga sa si cu lo trata mayoria di e ‘puntonan di atencion’ den e plan di crísis social. Con y kico ta no keda masha cla.

Padraso Gabriel di tur manera kier forsa ayudo. Actualmente e ta den prizon Arubano KIA sin asistencia psigico, terapia of otro ayudo, su abogado ta bisa. Durante e prome caso den corte a examin’é si y el a resulta di ta mentalmente retarda en bes di loke nan a bisa na Hulanda anteriormente. Pero no tabatin un diagnosis di berde ainda, segun Segbedzi. “I un dia e ta sali liber.”

Articulo for di Ret Karibense, partner di NoticiaCla. Autor: Sharina Henriquez.