Countdown pa e prome ABC Windsurfing Championship

ORANJESTAD - Na luna di Mei venidero un serie di evento di windsurfing lo tuma lugar riba islanan den Dutch Caribbean: Aruba, Bonaire y Curacao. E IFCA ABC Tour Dutch Caribbean Championships ta un evento yena di passion y expectativa pa fanaticonan di windsurfing riba e islanan como tambe competidornan di rond mundo. IFCA ta significa International Funboard Class Association, e lider den World Sailing Class Association pa tur nivel di windsurfer Professional of Amateur. 

Fecha di e Tour: 

Curaçao: 10 pa 12 di Mei 2019        

Aruba: 17 pa 19 di Mei 2019    

Bonaire: 24 pa 26 di Mei 2019

E ganador den e categoria di Youth Slalom lo ricibi un sponsorship deal den colaboracion cu e organization autoriza local y un sponsorship deal pa viaha pa e proximo evento di IFCA Youth Slalom Worlds pa representa Dutch Caribbean como invitado competidor den spot light.

Windracers Club Aruba ta orguyoso di por ta anfitrion pa organisa e prome IFCA ABC Tour Dutch Caribbean Championships y ta invita atletanan di tur edad y nivel pa participa den e prome ABC Tour. Team di Aruba tin un total di 21 atleta den training intensivo pa probecha e oportunidad pa competi riba nan mesun ‘Blue Highway’ na Fisherman’s Huts.

Un total di 40 atleta hoben y talentoso di Aruba, Bonaire y Curacao lo competi den e ABC TOUR Dutch Caribbean Windsurf Championship. Pre-inscription ta posibel, por manda un email na: windracersclubaruba@outlook.com. Pa mas informacion bishita nos website: wrca-aruba.com. E IFCA ABC Tour Dutch Caribbean Championship ta e prome evento di windsurf oficial cu ta promove y invertí den e surfistanan hoben.