- Kes the Band di Trinidad confirma pa Flip Flop Festival na juni!
- DVG: A cuminsa hospitalisa hende localmente infecta cu Dengue
- Minister na Merca ta lobby cu banconan pa fia 160 miyon dollar
- Hulanda dispuesto pa yuda paisnan den Caribe cu asunto di refugiadonan
- WEB Aruba ta firma acuerdo cu Seven Seas Water Group pa construi planta SWRO-3
‘Ban Serio!’ ta estrena su ‘pop-up beach expo 2019’
ORANJESTAD - Durante temporada di campamento ta hopi importante pa corda riba e impacto grandi cu nos tin riba nos naturalesa. Den cuadro di esaki, Ban Serio! ta organisando un tremendo Beach Expo na algun areanan di campamento e weekend largo di Pasco Grandi. E expo lo tuma luga diasabra 20 di april na Arashi Beach, diadomingo 21 di april na Eagle Beach y dialuna 22 april na Baby Beach tur dia for di 1pm-5pm. Entrada ta gratis y e ta apto pa tur edad.
POP-UP BEACH EXPO
Kico por spera? E exposicion lo consisti di espacionan unico unda cu tur hende cu bishita e expo por mira e impacto cu nan tin riba nos beachnan no solamente diaramente, pero sigur durante campamento of ora di disfruta di cualkier dia regular riba beach of di nos naturalesa. E expo tambe lo enfoca riba con cosnan por wordo haci na un manera diferente. E concepto ta pa ilustra ambos banda di e medaya ora ta trata e tema aki, e bon, e malo, e limpi, sushi, saludabel y no saludabel. E expo lo cubri factornan manera kico ta pasa ora bo laga cosnan atras y contamina nos beachnan, como tambe e diferencia cu bo ta haci ora bo hiba tur bo pertenencianan bek cu bo den containernan re-uzabel, uza cupnan, cuchara y otro materialnan re-uzabel.
Lo tin confrontacionnan visual hunto cu y artistico pa ilustra e mensahe. Un expo sigur yena cu hopi impacto visual artistico combina cu informacion valioso y necesario pa conscientisa nos comunidad riba cada ken su impacto y responsabilidad cu lo dicta con nos isla lo keda den futuro.
UN DESAROYO DURADERO PA ARUBA
Ban Serio! ta un iniciativa di Aruba Tourism Authority y ta un campaña di conscientisacion cu ta enfoca riba con cada comportacion tin un impacto. Ademas di confronta, Ban Serio! ta trata di inspira y facilita cambionan den comportacion y accionan colectivo pa un desaroyo duradero di Aruba.
Ban Serio! ta enfoca riba e topiconan di: Medio Ambiente, Hospitalidad, Cultura y Siguridad.
Den pasado tawatin diferente activacionnan manera ‘Plastic Recycling na Aruba Art Fair’ - ‘Pimp my Cup’ durante Carnaval 2019 y ta manda listanan di actividadnan cu mapanan interactivo di nos dianan nacional of dianan di fiesta manera ‘Ruta di Luz di Pasco 2018’, – ‘Dia di Betico 2019’ – ‘Dia di Himno y Bandera 2019’ y awo e ‘Pop-Up Beach Expo’ pa Semana Santa.
Kes the Band di Trinidad confirma pa Flip Flop Festival na juni!
ORANJESTAD – E banda popular di Trinidad Kes the Band ta confirma pa presenta durante e proximo edicion di Flip Flop Festival dia 1 di juni proximo. Durante un conferencia di prensa diahuebs atardi, organisadornan a anuncia esaki, como un di e varios bandanan internacional cu lo ta presente durante e anochi aki. E intencion ta pa dentro di 2 siman presenta demas artistanan internacional tambe. E evento lo tuma lugar riba Bushiri Beach, y lo ta parti den varios seccion. A cuminsa bende carchi caba awe unda cu e prome cantidad di carchi ta bay na 45 florin estilo ‘early bird’ pa tempo limita. Flip Flop Festival ta un producto di cerbez Chill, y Brouwerij Balashi hunto cu Tropical Bottling Company su productonan Coca Cola y Bacardi. Fuera di e artistanan internacional, lo tin artistanan local manera e.o. Tsunami.
Video: Con a yega na titulo di documentario ‘I can’t be moe’ ?
ORANJESTAD – Diabierna awor tin estreno di e documentario localmente produci titula ‘I can’t be moe’. Un documentario unda cu e productor ta sigui e bida di e conocido personahe local Alice van Romondt durante 2 aña. Pregunta ta, con a yega na e titulo asina ‘captivo’, un combinacion di Ingles y Hulandes y con esaki a yega pa bira e titulo di e documentario. Tanto e productor Rebecca Roos, como e suheto di e documentario, Alice van Romondt a splica esaki den e programa Noticiacla LIVE diamars anochi. E documentario ta pasa diabierna anochi 19 di april pa 8'or di anochi den Cas di Cultura y ta costa 25 florin pa entrada.
Carlos Bislip cu concierto gratis di JAM riba Dia Mundial di Jazz
ORANJESTAD – Manera a bira conoci caba, sigur anto pa tur amante di e genero musical aki, luna di april ta celebra mundialmente e aprecio pa jazz. Un di su promotor y exponentenan di mas grandi riba nos isla, esta e maestro di percusion Carlos Bislip a sa di prepara, un biaha mas, un merecido celebracion.
Aruba One Happy Island Lions Club y Friends of Lions a yuda mas di 500 personaden necesidad
ORANJESTAD - Recientemente Fundacion Aruba One Happy Island Lions Club hunto cu Friends of Lions a organisa e prome “Tayo riba Mesa”, pa aña 2024. Esaki ta un proyecto den cuadro di e programa di Lions International “Hunger Relief”, caminda danki na e sosten di comunidad y Friends of Lions ta yuda famianan den necesidad.
Conocido musico Ivan Jansen reconoci pa su ’contribucion na herencia cultural di Aruba’
ORANJESTAD - Diaranson anochi na Cas di Cultura, Minister Maduro di den nomber di Gobierno di Aruba, presenta un reconocemento na sr. Ivan Jansen pa su contribucion significante na e herencia cultural musical di Aruba. Segun e mandatario, den e documental presenta riba Jansen, nos ta cera conoci cu e musico Ivan hopi mas di acerca, ya e ta bay comparti su historia di su carera musical, su conocemento, produccionnan, su contribucionnan na diferente musiconan/artistanan local, alabes su logronan local y internacional y e retonan cu ela encontra durante su carera musical E mandatario a repasa e CV impresionante di e musico tambe, indicando cu Ivan no ta solamente un musico, un guitarista clasico y di jazz, sino tambe e ta productor, compositor, areglista, educador, lider di banda y empresario. “Nos ta sinti nos orguyoso di un video documental contando historia di un Arubiano y produci door di nos mes yiunan di tera. Cu e iniciativa di Ivan aki por inspira mas persona cu tin un historia pa conta, pa traha un documental. Asina nos por laga e historia atras pa generacionnan cu ta bini despues di nos” e mandatario a bisa entre otro.
Conocido ciudadano Alice van Romondt ta enfoke principal di un documentario nobo
ORANJESTAD – Conocido ciudadano di Aruba Alice van Romondt, ta bira e centro di atencion durante un documentario largo metrahe di e productor di cine Rebecca Roos cu lo ta visible durante e di 10 edicion di Curaçao Internacional Film Festival e siman aki. E documentario, titula “ I can’t be moe; Alice van Romondt (I can’t be tired)” ta keda present ana Corsou entre dianan. 12 y 14 di April. Un siman despues, lo estrena e pelicula akin a Cas di Cultura. Prome cu e estreno na Aruba tin oportunidad unico di wak un exposicion di un seleccion di Alice su collecion priva di arte den e sala di expo di Cas di Cultura for di 6:30 PM.
Follow NoticiaCla
