180 miyon dollar pa rehabilita refineria, lo a ‘disparse’

ORANJESTAD – Un suma di 180 miyon dollar cu mester a wordo inverti den e proyecto di rehabilitacion di e refineria opera pa CITGO, lo a disparse. Asina prome minister Evelyn Wever Croes a informa durante un conferencia di prensa. Wever a bisa cu e grupo nobo na mando na CITGO na Merca, tin duda den Aruba (CITGO) como tal no kier usa e 15 miyon nobo cu a keda libera pa Aruba. E pensamento por ta logico, cu si 180 miyon a disparse, imagina kico lo sosode cu e 15 miyon. 

ARUBA Y EX MANDATARIO

Segun Wever, e grupo nobo di CITGO, ta culpa cu Aruba lo por a facilita e desaparicion di e suma, y e no kier pensa mes si e ex mandatarionan por a yuda den esaki y si nan lo por ta envolvi. E asunto aki ta uno cu e mandatario a admiti cu e no a tene cuenta cu e asunto. Como tal e asunto aki ta bira un problema serio pasobra awor tin cu bay investiga unda e suma aki a bay. 

RETIRO

Mientrastanto e situacion ta sigui uno precario, unda cu segun Wever, varios trahado mas a haya nan retiro (voluntario, esta cu pakete) na e refineria, pero e no por a duna un cifra exacto di cuanto retiro a cay.