Awe Corte di Apelacion ta trata caso Speeltuin

Awe Corte di Apelacion ta trata caso Speeltuin

Posted on 04/15/2019 8:33 am AST | Updated on 04/15/2019 8:34 am AST

ORANJESTAD – Awe mainta Corte di Apelacion a reserva henter dia pa trata e caso di Speeltuin. Ta trata e caso unda cu e dos criaturanan Rishandro y Eugene aña pasa y corte a sentencia e mama y e padrastro. E patrastro a apela y esaki lo bin dilanti awe cuminsando pa 9:30am. 

E CASO

Tabata aña pasa na juli cu Corte a sentencia e padrastro di e dos criaturanan Rishandroh Anastacia y Eugene Frans na 15 aña di castigo incondicional di prizon combina cu TBS (Ter Beschikking Stelling) obligatorio despues cu e detenido sinta 10 aña di su castigo di prizon. Remarcable ta e hecho cu e padrastro a opta pa no ta presente den corte pa tende su sentencia y a informa corte un anochi prome. Y e famia tampoco tabata presente pa esaki. Tur esey, siendo cu net awe corte a haci tur preparacion pa por a ‘transmiti’ e sentencia den un otro sala si en caso tabatin e necesidad.

E CASO

E padrastro tabata acusa di homicidio y severamente maltrata e criaturanan Rishandroh y Eugene. Banda di esey, e tabata acusa di a maltrata e co-sospechoso esta e mama di e dos criaturanan, y e hecho cu e la dera e curpa di Eugene. Ministerio Publico a conclui cu e hechonan presenta a keda proba pa cual a exigi un castigo di prizon di 15 aña y e medida di TBS (tratamento psychiatrico obligatorio) . Banda di esey, OM a pidi pa ehecuta un sentencia bieu di castigo di prison condicional.

COOPERACION

Huez a mustra cu e sospechoso a coopera cu e proceso penal y a haci declaracionnan di culpabilidad. Tambe e la mustra polis unda cu e la dera e curpa di Eugene. Su declaracionnan a keda confirma pa e co-sospechoso, testigo y raportahe di autopsia, cu ta splica e embergadura y tamaño di e lesionnan di e criatura(nan). Tambe huez a confirma cu a base di e pruebanan legal presenta, di e homicidio y e maltrato severo di ambos criatura, e maltrato di e co-sospechoso y e deramento di e curpa di Eugene.

EVALUACION

Huez tambe mester a considera cu den e caso aki mester a busca pa yega na un balansa riba e sufrimento cu e victimanan y famianan di un banda y di otro banda, evita cu un caso asina ta ripiti, pa cual mester provee e seguridad pa e comunidad.

TRATAMENTO DI ACUSADO

E sospechoso segun huez, a wordo trata pa tanto un psikiatra como un psicologo. Ambos a yega na e conclusion cu e sospechoso ta sufri di trastorno di personalidad, cu caracteristico cla psicopatico. Tambe e sospechoso ta sufri di un leve caso di no por wordo teni responsible pa su actonan. Pues debi na su estado mental, e no por wordo teni responsabel pa su actonan. “En caso e no haya e tratamento necesario, chens pa aumento di recidivismo lo aumenta” huez a sigui bisa. Den pasado a keda proba cu e sospechoso no kier tuma tratamento asina lihe. Pa e tratamento tin chens pa logra, esaki mester ta uno di duracion largo. Pesey a impone un castigo combina cu TBS. Y pesey, mirando tur lo anterior, huez a bisa di no por solamente impone un castigo di prizon, sino cu tin cu combine cu e tratamento TBS obligatorio. A bisa tambe cu mirando e circunstancia, no a maxima e medida di TBS. E castigo di prizon ta evalua basa riba e circumstancianan presenta den corte, y tur e hechonan confirma y trata. A rechaza e peticion di OM pa ehecuta un sentencia di castigo bieu di prizon di e sospechoso.

TBS A mustra tambe cu aworaki na Aruba no tin un clinica TBS. E ubicacion den un clinica asina di e acusado, ta bin na ordo despues di cu e acusado a sinta 2/3 parti di su castigo di prizon, pues mas tempran cu esaki por sosode, ta despues di 10 aña. Ta haciendo investigacion pa por habri un clinica semehante na Corsou, pa convictonan di Aruba, Bonaire, St Maarten, Saba y Statia. En caso cu e clinica aki no materializa pa e tempo ey, OM tin cu evalua pa transferi e acusado pa un clinica TBS na Hulanda. E derecho penal di Aruba ta permiti esey segun huez. Pa laga e sospechoso bolbe den comunidad sin un tratamento obligatorio, huez ta considera algo inaceptable. A mustra cu sospechoso por apela e sentencia presenta y tin 14 dia pa haci esaki.

  • Homber absolvi di dos caso di abuso di menor

    Homber absolvi di dos caso di abuso di menor

    ORANJESTAD – E hoben Churlon F(44) a keda absolvi diahuebs di dos caso di abuso di menor, y a ordena su libertad inmediato. E caso a tuma lugar dia 29 di maart ultimo, unda cu a fiscal a acusa F. di den dos diferente caso, abusa di menor di edad, e prome ta victima M.dB, entre 2011 y 2013 y e di dos ta e victima D.R, enre 2010 y 2015. Pa ambos, huez a mustra cu no tin motibo di duda den declaracion di e victima, pero pa ley, no por basa su mes riba un solo testigo y mester di mas prueba cu esey. Den ambos caso, huez no a haya prueba cu tin suficiente motibo pa castiga e sospechoso, pa cual a absolvie di ambos caso. 

  • Homber acusa di viola menor di edad, a recobra su libertad

    Homber acusa di viola menor di edad, a recobra su libertad

    ORANJESTAD – E homber D. Richardson a recobra su libertad diaranson, despues di tabata cera pa 5 luna, riba sospecho di violacion sexual di un mucha muher. Corte a dicta e Richardson por a bandona prison. E denuncia a bin di parti di mama di e muher, y e muher mes na januari ultimo. Esaki despues cu e mucha muher lo a ‘basha abou’ cu un aña pasa Richardson lo a viole. OM a presenta cargo cu na januari 2018 e homber a viola e dama cu tabata menor di edad. No obstante esey, e homber a nenga esaki. Debi na falta di prueba contundente, huez a cera e caso y dicta sentencia mesora, conforme peticion di Fiscal, cu a admiti cu ta dificil pa condena e acusado pa falta di prueba. 

  • Huez a absolve 4 sospechoso di caso di 110 kilo di droga haya den boto

    Huez a absolve 4 sospechoso di caso di 110 kilo di droga haya den boto

    ORANJESTAD – Cuater sospechoso acusa di ta meti den traficacion y posecion di 110 kilo di droga, a keda absolvi di tur cargo. Asina huez a dicta den un sentencia diaranson mainta. Ta trata di e sospechosonan A. Croes, K. Wernet, R. Zievinger, G. Rafini. Ta trata di un caso cu a tuma lugar aña pasa ora cu basa riba un tip, a gara e droga den un boto na un cas na Casibari na mei di 2018. Pero durante e caso, a bin nota cu e informacion no tabata contundente y tabatin mucho inconsistencia, pa cual huez dificilmente por a keda convenci cu enberdad e 4 personanan aki tabata envolvi den e caso.  

  • Padrastro di Eugene y Rishandro awor kier TBS prome cu ta laat

    Padrastro di Eugene y Rishandro awor kier TBS prome cu ta laat

    ORANJESTAD – “Ta un mucha homber hoben ke men un sintí cu ainda por forma. E escoho ta: nos ta trat’é awor i e ta sali liber cu e chens di mas chikito riba ripiticion. Of nos ta warda dies aña cu e riesgo cu e tratamentu lo no yuda mas.

  • Corte a pospone sentencia caso Lotto pa di 7 biaha awe

    Corte a pospone sentencia caso Lotto pa di 7 biaha awe

    ORANJESTAD – Corte a pospone e sentencia di caso di retiro di hunta di supervision di Fundacion Lotto Pa Deporte (FLPD) pa di 7 biaha awe. E sentencia cu tin cu determina si huez ta bai di acuerdo pa retira e hunta di supervision di FLPD ta poni awor pa dia 4 di juni proximo. Asina abogado di FLPD mr Peter Mohamed a confirma pa NoticiaCla. A compronde cu ta tardando hopi pasobra ‘ e sentencia por bira un decishon principal cu hopi consecuencia’. E caso mes a cuminsa na september aña pasa (2018) y cada luna a bin pospone e sentencia desde e momento ey. Ultimo biaha cu a pospone e caso tabata fin di maart di e aña aki. E caso ta uno cu gobierno di Aruba a pidi, pa e por tin un grip riba e fundacion. Aworaki e fundacion su hunta di supervision no kier retira, y segun e mandatario, ta strobando e di implementa su maneho. E hunta di nan banda ta mustra cu nan ta haciendo nan trabou y cu ta e minister ta esun cu ta strobando nan di traha. Como tal a bin cu un caso contra e mandatario, cu ta prohibit e mandatario mete, sino tin un multa. Awor e mandatario a informa (otro articulo) cu e lo viola e sentencia, contal cu e por denuncia e practica di fraude contra e hunta menciona.  

  • OM a pidi pa mantene sentencia original pa padrastro den caso Speeltuin

    OM a pidi pa mantene sentencia original pa padrastro den caso Speeltuin

    ORANJESTAD – Abogado General den corte di apelacion dialuna mainta a pidi hueznan pa mantene e sentencia conforme corte di prome instancia den caso di e padrastro den caso Speeltuin. E caso mes lo a sigui den oranan di merdia. E caso di apelacion a cuminsa un poco mas laat cu 9:30am awe mainta debi cu e hueznan a yega laat (buelo). Den e caso aki, ta e padrastro ta esun cu a apela e sentencia di 14 aña di castigo di prison acopla na TBS. E padrastro no tabata di acuerdo pa cual el a apela e sentencia. 

  • Powered by SETAR