Exitoso “Youth Tech Event”, evento grandi di SETAR pa e hubentud di Aruba

Posted on 04/15/2019 8:19 am AST | Updated on 04/15/2019 8:20 am AST

(ADVERTORIAL) 

ORANJESTAD - Loke cu a cuminsa cu borchinan cu e  fecha 13-4-2019 riba dje na varios caminda lantando curiosidad di un y tur a termina den un evento grandísimo pa hubentud YOUTH TECH EVENT diasabra cu a pasa den e ballroom di Hilton Hotel.

SETAR como compania nacional di telecomunicacion semper ta haya importante pa aporta na Aruba cu diferente evento, promocion y projectonan. E biaha aki SETAR a organisa un evento special pa e hubentud di Aruba, “Youth Tech Event” cu a enfoca riba e impacto cu futuro di tecnologia tin pa un persona, Aruba y mundo henter.

E evento aki tabata den un formato di conferencia y tabatin ‘speakernan’ local y internacional, diferente workshop, presentacionnan y un tremendo ‘Experience Hall’ tur bou di un solo dak specialmente organisa pa e hubentud di Aruba.

E workshop nan a ensera temanan manera coding y fotografía. Tabatin presentation di entre otro online personal branding y cyber security.

E  ‘Experience Hall’ tabatin diferente boothnan cu a mustra con un ‘Smart Student Room’ ta, e hobenan por a crea nan mesun YouTube Video hunto cu e personahe popular Larissa Bermudez, por experimenta cu ‘Lighting Effect’ y nan por a crea nan mesun musica/beat cu ayudo di nos artista international Jeon. Loke a hala hopi atencion tabata weganan di Augmented Reality y Drone Racing. 

Durante e dia SETAR ta trece 2 speakers, Dr. Ryan R. Peterson cu a elabora riba e impacto di tecnologia pa futuro y di Merca SETAR ta trece Mr. Steve Brown, un futuristico cu bista con e mundo ta impacta dor tecnologia y kiko esaki ta nifica pa e hubentud. Tur 2 orador a trece imagennan hopi impactante y a trece un charla hopi interactivo cu e publico presente.

Durante henter e evento e 6 scolnan cu a participa den e Hack-a-Ton ‘Island of the Future- Agriculture’ a demostra nan projecto y na final di dia a saca e team di e scol ganador maximo di e Hack-a-Ton cual a resulta di ta St. Augustinus College cu a gana 25 mil florin pa nan scol. Na di dos lugar a sali Maria College cu a gana 10.000 florin pa nan scol y na di tres lugar Colegio Arubano Oranjestad cu a gana 5000 florin pa nan scol. Director di SETAR na final di entrega di premionan a anuncia cu e otro scolnan cu a participa a ricibi un premio di 2000 florin cada un tambe pa nan projecto.

 

 

  • Tjin Asjoe: Aruba ta mercadia como un isla pafo di faha di horcan

    Tjin Asjoe: Aruba ta mercadia como un isla pafo di faha di horcan

    ORANJESTAD – Aruba ta pafo di e faha di horcan. Asina Aruba Tourism Authority ta mercadia Aruba, segun su CEO Ronella Tjin Asjoe-Croes. Tjin Asjoe tabata invitado den e programa popular riba Facebook, NoticiaCla LIVE unda e pregunta riba seguridad den Caribe a bin dilanti. Entre e puntonan di seguridad, tin esun di tempo, unda cu Tjin Asjoe a mustra cu a aumenta e mercadeo riba medionan televisivo enfoca mas riba tempo, prome cu e temporada di horcan. 

  • Turistanan ya tin Aruba como alternativa pa Rep. Dominicana

    Turistanan ya tin Aruba como alternativa pa Rep. Dominicana

    ORANJESTAD – Turistanan Mericano a cuminsa mira Aruba como alternativa pa Republica Dominicano, cu no ta pasando den su miho momentonan. Aruba sinembargo, tin otro pensamento, y no tin pensa di actua ‘activo’ riba esaki. E siman aki a bira conoci cu di 9 turista (Mericano) a muri recientemente riba Republica Dominicana. CEO di ATA, Ronella Tjin Asjoe a bisa den e programa NoticiaCla LIVE riba Facebook di e portal, cu no ta necesario awor pa haci ‘un extra push’ pa e mercado ey. 

  • AHATA Y A.T.A. hunto cu mMinisterio di turismo ta boga pa cooperacion nacional

    AHATA Y A.T.A. hunto cu mMinisterio di turismo ta boga pa cooperacion nacional

    ORANJESTAD - Diabierna ultimo, Aruba Hotel & Tourism Association y Aruba Tourism Authority a reuni y discuti diferente topico di interes comun, y di interes nacional. A pasa entre otro den e estudio di ‘capacidad di carga’ cual A.T.A. ta finalisando. Hunta y CEO-nan di tur dos organisacion a para keto riba kico cada organisacion por haci pa asina yuda conduci nos desaroyo turistico na un manera duradero, y kico ambos organisacion por haci hunto.

  • Tatanan feliz di a ricibi premionan di Coca-Cola

    Tatanan feliz di a ricibi premionan di Coca-Cola

    (ADVERTORIAL)

  • CEO di A.T.A. ta den NoticiaCla LIVE awe nochi 9’or riba FB di NoticiaCla

    CEO di A.T.A. ta den NoticiaCla LIVE awe nochi 9’or riba FB di NoticiaCla

    ORANJESTAD – E problema di mas hotel na Aruba, con e situacion di Venezuela ta impacta Aruba, con e casonan di morto di turistanan na REpublica Dominicana ta afecta Aruba y mucho mas, ta keda trata awe nochi den e programa NoticiaCla LIVE cu invitado Ronella Tjin Asjoe-Croes cu ta CEO di A.T.A. Sui Generis. E programa ta pasa pa 9’or di anochi y ta riba e pagina di Facebook di NoticiaCla, diamars anochi 18 di juni 2019. No perde!. 

  • Aruba a participa na Conferencia di partidonan (COP15) di UNEP

    Aruba a participa na Conferencia di partidonan (COP15) di UNEP

    ORANJESTAD - Na comienso di luna di juni a tuma lugar na Honduras e conferencia di Cartagena Convention y su protocolnan tocante siguridad di nos costanan y bida marino pa e region di Caribe. Director di Directie Natuur en Milieu (DNM) Sr. Gisbert Boekhoudt a representa Aruba y a duna su aporte como tambe a intercambia idea pa loke ta trata e retonan di awendia relaciona cu e topico di bida marino. Durante e conferencia, gobierno di Honduras a organisa un Blue Economy Summit pa encurasha un tiki mas uzo sostenibel di e recursonan cu e oceano y lama ta brinda den e region por medio di innovacion y tecnologia.

  • Banco Di Caribe viajes
  • Powered by SETAR