Aruba riba lista di paisnan mayor cu ta laba placa

Aruba riba lista di paisnan mayor cu ta laba placa

Posted on 04/14/2019 11:17 am AST | Updated on 04/14/2019 11:46 am AST

WASHINGTON– Aruba ta aparece atrobe den e ultimo rapport Mericano riba narcotica, como un hurisdiccion mayor di labamento di placa pa aña 2018. E rapport ‘US International Narcotics Control Strategy Report (INCSR) ta keda publica dos biaha pa aña. Casonan cu a ‘yuda’ pone Aruba riba e lista ta esun e.o. ex minister Paul Croes y e otro Arubiano ex trahado di Setar cu a wordo gara na Merca pa labamento di placa. Hunto cu nan, un otro caso grandi, ta wordo menciona den e rapport annual. No obstante tur esfuerso (cu e rappor ta menciona tambe) cu Aruba ta y a haci pa bringa esaki, toch e ta aparece riba e lista. E unico dos paisnan cu ta afo, ta Puerto Rico y US Virgin Islands.  

ARUBA 

Manera indica, mientras cu Aruba ta aparece riba e lista, e rapport ta haci mencion tambe di tur e esfuersonan cu e isla ta hacienda pa combati e practica aki, y ta listra p.e. tur e acuerdonan cera cu instancianan internacional, y e logronan pa cu esaki. Loke ta ‘perhudica’ Aruba ta su ubicacion pa cu otro paisnan den region, cu ta hacie vulnerable pa ta un trampolin pa traficacion illicito y e casonan menciona unda cu cierto Arubianonan tabata envolvi den 2018. 

EX POLITICO Y EX TRAHADO DI SETAR

Den e rapport, aunke no ta haci mencion pa nomber, ta referi na e caso Ibis y ex minister Paul Croes, unda cu e tempo ey ta referi ainda na e ‘investigacion andando den un ex politico’ pa labamento di placa y . Ademas ta raporta specificamente di un caso unda cu a sentencia 4 sospechoso na castigo di prison pa ta envolvi den banconan subteraeno, labamento di placa, transferencia di cash, y pa no cumpli cu ley internacional riba e tema. E hendenan aki lo tabata transferi placa di Aruba pa China y di Aruba pa St Maarten y China. E sospechoso princioal tabata sospecha tambe di a coordina transferencia di placa pa hende di Surnam, Colombia y Venezuela pa China y Aruba. Ademas ta referi na e ex trahado di Setar,cu a admiti culpabilidad den labamento di placa pa su rol den regla y ricibi placa corupto, a cambio di contractnan lucrativo pa e compania nacional di telecomunicacion. Tur esaki ta wordo menciona den e rapport aki.   

MERCA Y HULANDA

Manera indica, Merca a te hasta pone su mes riba e lista aki, hunto cu Hulanda, Inglatera, y Spaña. Tur ta paisnan miembro fundador di Organization for Economic Co-operation and Development (OECD), cu OECD trahando hopi di cerca cu Union Europeo riba asuntonan di Resistencia di impuesto, cu ta crea e lista preto di paisnan cu ta considera un paraiso fiscal. Aruba ta riba e lista aki, y ta trahando pa kita su mes pa mei di e aña aki.  

SANCION

E INCSR rapport no ta indica si Merca lo impone sanccion Mericano como presion extra pa ta riba e lista di paisnan cu ta practica labamento di placa. Esey si ta e caso cu e lista preto di Union Europeo pa paisnan cu ta ‘paraiso fiscal’. Wak e rapport completo AKI. 

 

 

 

 

  • KPMG na Merca a haya multa miyonario pa practica illegal

    KPMG na Merca a haya multa miyonario pa practica illegal

    WASHINGTON (Reuters) - KPMG LLP a bay di acuerdo pa paga 50 miyon dollar na multa pa supuesto acusacion cu ex contratista di e compania a usa informacion horta pa altera trabou di e compania y tambe a comete fraude cu examen. Asina e instancia federal cu ta regula esaki,  SEC (U.S. Securities and Exchange Commission) a nisa dialuna. KPMG a admiti na e acusacion y a bay di acuerdo pa emplea consultantnan independiente pa acesora e compania su control etico y integridad. E multa tabata un di esunan mas grandi impone pa un auditoria pa SEC. Segun KPMG, nan a siña un les importante. Ta trata di 5 persona cu a wordo acusa di e asuntonan illegal. 

  • Rey Willem Alexander condecora cu honor halto na Gran Bretania

    Rey Willem Alexander condecora cu honor halto na Gran Bretania

    LONDON – Rey Willem Alexander a wordo condecora cu e honor mas halto Ingles, esta cu e titulo ‘  Ridder in de Orde van de Kousenband’ Esaki a sosode dialuna den un ceremonia priva den Sint Georgekapel na Windsor Castle. Parti di e ceremonia tabata pa pega un liga na su pia robez. Reina Elizabeth di Gran Bretaina ta na cabez di e ordo, y ta dicidi ken por haya e distinction aki.

  • E icono di moda Gloria Vanderbilt a fayece

    E icono di moda Gloria Vanderbilt a fayece

    NEW YORK – E icono di moda Gloria Vanderbilt, mama di e conocido presentador di noticia di CNN Anderson Cooper, a fayece na edad di 95 aña. Asina CNN y TMZ ta raporta dialuna. Aparentemente el a muri di cancer di stoma, pa cual el a keda interna den hospital mas prome e luna aki. E tabata modelo, diseñador di moda y actriz.  

  • Ex pelotero Ortiz recuperando na Boston despues di otro operacion

    Ex pelotero Ortiz recuperando na Boston despues di otro operacion

    BOSTON – E ex pelotero professional David “Big Pappi” Ortiz ta recuperando satisfactoriamente den Massachusetts General Hospital despues di su di dos operacion cu tabata exitoso. Asina su casa Tiffany Ortiz a bisa diamars merdia. Dialuna anochi asina cu e ex pelotero a yega Boston, traslada for di Republica Dominicana unda cu un anochi prome el a keda herida pa un tiro, a somete na un di dos operacion. E buelo di ambulance, paga pa Boston Red Sox, e ex ekipo cu Ortiz a hunga, a keda ofreci pa e organisacion di baseball. 

  • Red Sox a manda avion pa transporta ex pelotero herida pa Boston

    Red Sox a manda avion pa transporta ex pelotero herida pa Boston

    BOSTON – E ekipo di ex pelotero professional David “Big Pappy” Ortiz, esta Boston Red Sox a manda un avion pa Republica Dominicano pa transporta Ortiz bek pa Boston. Esaki pa e haya ayudo medico urgente, despues cu diadomingo Ortiz a keda alcansa pa un bala durante un supuesto robo. E tabata den un club na Santo Domingo. Despues di e tiro, un ekipo di ciruhano a opera Ortiz pa 6 ora, y a kita parti di su intestinos y su columna, y tambe su galblaas. Ortiz a sufri daño na su higra. Ora cu e tata di Ortiz a yama e ekipo, mesora nan a bisa cu nan ta cla pa yuda den ki forma cu ta. Ortiz pa hopi aña tabata e figura principal di e ekipo y algun tempo atras a retira di e ekipo y di baseball professional.  

  • Helicopter ta crash riba dak di edificio halto den centro di New York

    Helicopter ta crash riba dak di edificio halto den centro di New York

    NEW YORK – Por lo menos un persona a fayee despues cu un helicopter a haci un ‘crash landing’ riba dak di un edificio halto na New York City dialuna, activando un accion masivo di emergencia. E crash a causa un candela cu bomberonan mester a paga mesora. E crash a sosode 2 ora durante un awacero torencial cu nubia, cu a tapa e bista di e dak, cu a causa cu posiblemente e helicopter no a wak. 

  • Powered by SETAR