Varios radio emisora for di aire diabierna mainta

ORANJESTAD – Varios radioemisora tabata for di aire awe mainta, debi cu tabatin un trabou di mantenimiento tumando lugar di parti di Elmar den e besindario di e.o. Hooiberg. Varios di e emisoranan tin nan ‘zender’ riba e top di Hooiberg, cu tambe tabata afecta. Esey a pone cu entre 8 pa 11’or di awe mainta, e emisoranan tabata for di aire. Entre nan, Fresh FM, Cool Fm, Top FM, Magic FM. E ta algo programa, pues e radionan a informa nan audiencia un dia anterior di e caso. Esnan cu si tabata den aire, ta esnan cu a opta pa no tin nan zender riba Hooiberg, sino otro cero of lugar ‘halto’.