Walk for Paws ta recauda fondo pa Aruba Animal Shelter

Posted on 04/12/2019 10:14 am AST | Updated on 04/12/2019 10:22 am AST

ORANJESTAD - Walk for Paws ta un proyecto organisa pa un grupo di studiante di Univerty of Aruba, cu tin como meta pa recauda fondo pa Aruba Animal Shelter. Durante e ultimo simannan e compañeronan di klas; Zia Habibe, Yaella Lopez, Jo-Anne Noguera, Deandra Arends, Cindy Quintero y Kim Balcera tabata hopi activo bendiendo ticket na diferente localidad.  E actividad ta diadomingo awor dia 14 di april saliendo pa 5’or di atardi for di Fisherman’s Hut na Malmok.

E  organisadornan a scoge Aruba Animal Shelter pa realisa e proyecto aki door cu nan tur tin mascota, cu nan ta duna e cariño y cuido necesario. Nan deseo ta pa no mira niun cacho mas riba caya na Aruba, ya cu e cachonan aki ta termina den e ‘Kill Cage’. E ta un problema  cu e turistanan tambe ta hopi consciente di e animalnan cu ta riba caya, y no ta contento di mira e mascotanan sin un hogar. Por lo tanto no solamente nos como ciudadano ta involucra sino tambe e turistanan. Nan vocifera nan preocupacion cu e situacion aki y nan a duna e studiantenan nan sosten mientras nan tabata bende ticket cu nan contribucion. 

Walk for Paws diadomingo awor ta un ‘fun walk’ di 3K unda por participa cu of sin mascota. Esey kiermen cu bo no mester ta acompaña pa un cacho pa participa na e caminata aki. Ta importante si pa tur doño di cacho tene cuenta pa e mascota ta na un leash. Registracion ta cuminsa pa 4or y mey di atardi y ticket ta na balor di 10 florin pa persona.  Cu e ticket tin e chens pa participa den un rifa unda por gana ‘gift bags’ di Just4Pet  y certificadonan pa pet grooming obsekio di Fluffy Paws Exclusive.  E team di boluntario di Aruba Animal Shelter lo ta presente na e evento pa bende algun mercancia pa recauda fondo. E cachonan lo haya nan treat y awa. Tur persona mester trece nan ticket pa por participa na Walk for Paws  y na e rifa. Aruba Animal Shelter  por haci bon uzo cu e fondonan recauda di  e evento pa entre otro;  sterilisa y castra tanto e pushi-  como e cachonan,  y ademas lo tin mas fondo pa cumpra cuminda pa e animalnan.

  • FUN FAIR na Cruz Cora cu Mercando pa di Mucha

    FUN FAIR na Cruz Cora cu Mercando pa di Mucha

    ORANJESTAD−  Diadomingo, 5 di mei, 2019 ta dia grandi na Cruz Cora Aruba…ta celebra hunto cu henter Aruba e fecha importante di 8 di mei cu ta Dia Internacional di Cruz Cora. 

  • ‘Ban Serio!’ ta estrena su ‘pop-up beach expo 2019’

    ‘Ban Serio!’ ta estrena su ‘pop-up beach expo 2019’

    ORANJESTAD - Durante temporada di campamento ta hopi importante pa corda riba e impacto grandi cu nos tin riba nos naturalesa. Den cuadro di esaki, Ban Serio! ta organisando un tremendo Beach Expo na algun areanan di campamento e weekend largo di Pasco Grandi. E expo lo tuma luga diasabra 20 di april na Arashi Beach, diadomingo 21 di april na Eagle Beach y dialuna 22 april na Baby Beach tur dia for di 1pm-5pm. Entrada ta gratis y e ta apto pa tur edad.

  • Exposicion di “Spotter’s Day” door di Jean-Pierre Maduro

    Exposicion di “Spotter’s Day” door di Jean-Pierre Maduro

    ORANJESTAD - Aruba Airport Authority N.V. (AAA) orguyosamente a tene su prome “Official Spotter’s Day” na Augustus 2018. Aeropuerto di Aruba a reconose cu tin un interes grandi pa “plane spotting” na nos isla. Mas y mas spotter ta tag Aeropuerto di Aruba den nan potretnan y pa e motibo ei a scohe pa crea un evento specialmente pa nan. Aeropuerto di Aruba a lansa e campaña “Calling All Spotters” na April 2018 y a ricibi un cantidad grandi di aplicante. Despues di e campaña, e proceso di screening a wordo haci pa a scohe e grupo di 10 spotter cu a cualifica pa participa den e prome evento “Official Spotter’s Day”. Banda di esei, e grupo selecta a wordo invita pa atende e “Safety Training” necesario na Aeropuerto di Aruba prome cu e evento a tuma lugar, pa sigura cu tur participante tabata na altura di e proceduranan di seguridad di aeropuerto na momento cu nan tabata riba airside pa saca nan potretnan.  

  • Cerbez Chill cu oferta pa concierto di Ana Gabriel !!

    Cerbez Chill cu oferta pa concierto di Ana Gabriel !!

    (ADVERTORIAL)

  • Mon Plaisir Basisschool ta presenta un Konings Nacht!

    Mon Plaisir Basisschool ta presenta un Konings Nacht!

    ORANJESTAD - Diabierna 12 di April bo ta invita pa bin celebra Koningsnacht na Mon Plaisir School. Esaki lo ta un evento gezellig unda lo tin vlooienmarkt di e muchanan di skol, bailamento y cantamento. Lo tin un setup di airsoft y otro actividadnan divertido pa henter famia. Mas cu claro, lo tin dushi cuminda na benta y tambe dushi cos di bebe. Prepara e florinnan pa bo goza di koningsnacht. E anja aki lo tin oportunidad di admira autonan clasico cu lo bin parkeer na Mon Plaisir specialmente pa e anochi aki. E evento lo cuminsa 5or di atardi, y ta termina 8or di anochi.

  • Di 22 te cu 28 di mei Aruba ta anfitrion di Soul Beach Music Festival

    Di 22 te cu 28 di mei Aruba ta anfitrion di Soul Beach Music Festival

    ORANJESTAD – E aña aki Soul Beach Music Festival ta conoce su di 19 edicion, cual lo bay tuma luga dianan 22 pa 28 di mei binidero. Manera ya ta conoci, headliner ta e conocido John Legend, multi ganador di premionan manera 10 Grammy Awards, un Academy Award, un Golden Globe Award, un Tony Award y hopi otro mas. 

  • Powered by SETAR