Luznan di trafico na Palm Beach ta trahando atrobe!

ORANJESTAD – Despues di un temporada largo cu e luznan di trafico no tabata funciona, diahuebs merdia porfin DOW a logra pone e luznan bek den operacion. Esey a pone cu por a kita tur baricada y e cambio di caminda cu pa un periodo largo mester a purba ‘alivia’ e trafico. Dado momento tabatin un accidente di trafico practicamente tur dia eynan, pa cual a dicidi di diseña algo ‘temporal’ pa por a sigura cu e accidentenan tabata bira menos. 

PARTS

E problema tabata cu tabatin problema cu parts cu tabata dificil pa haya esaki. Parse cu e luznan di trafico ta hopi bieu, y cu nan no ta wordo traha mas. Pues pa haya parts ta hopi dificil, pa no bisa imposibel. Pero ta te parti oriental Europeo a bin haya esaki finalmente. Pa awor e luznan ta trahando, pero ta premira cu otro luznan di trafico, esnan na Playa banda di ex La Fama, tambe ta warda e mesun destino.