Hilton Aruba nombra "Hotel di aña" 2018 na conferencia di Hilton International

(ADVERTORIAL) 

PALM BEACH - E beach-front hotel mas gusta di Aruba, Hilton Aruba Caribbean Resort & Casino a wordo reconoci cu e premio tan codicia di “Hotel di aña” pa 2018 na e Hilton Americas Leadership Conference cu a tuma lugar na Orlando, Florida. E hotel a bai cu e prome premio den e Americas portfolio di un full-service hotel cu 351 pa 750 camber.

Durante e conferencia, caminda e premionan anual di excelencia ta wordo entrega na e hotelnan cu a sobresali den prestacion y hospitalidad, Hilton Aruba a ricibi tambe e premio ‘Most improved profitability’ pa 2018, y un reconocimento special pa ta e number 1 den RevPar rating den e categoria full-service. Despues di e evento, e ekipo di hotel tabatin un motibo mas pa celebra ora nan a haya sa cu nan Director of Revenue, Jennifer Bolstad a gana e premio Circle of Excellence di Revenue pa hotelnan cu menos di 500 camber.

E premio di Hotel di Aña ta reserva pa ganadornan cu ta haya e mihor score basa den un formula cu ta midi componentenan clave manera rentabilidad, mehoracion aña tras di aña, un index score di liderazgo y experiencia general di satisfaccion di e huespednan”, asina e Gerente General Hans Roehrbein a bisa. “Nos ta orguyoso di nos ekipo y nan enfoke constant riba prestacion y hospitalidad pa garantisa cu nos huespednan tin e experiencia mas excepcional. Mi ta gradici y aplaudi nan logro colectivo”.

Pa celebra tur e premionan ricibi, Hilton Aruba Caribbean Resort & Casino a sorprende e miembronan di ekipo cu un sorpresa na e entrada caminda nan a ricibi un bon bini cordial di e managers cu tabata para banda di otro riba tapijt blauw, cu musica, y un buffet di desayuno, snacks y algun bolo. Tur e miembronan di ekipo a wordo invita na e evento di reconocimento mensual caminda nan ta anuncia e miembronan di ekipo, supervisors y managers di luna.

E evento di reconocimento a wordo haci mas special ainda ora brassband a presenta cu bailarinnan cu kostuum di carnaval extravagante, guiando e miembronan di ekipo pa e ballroom na ocasion di e reconocimento grandioso pa e premio di “Hotel di Aña”. E celebracion a continua den e Morris Lapidus ballroom cu snacks, coi bebe, certificado y homenahe na e miembronan di ekipo ganador. E evento a caba cu un gradicimento sincero di parti di e Hotel Manager Jacques Monteil.