Un avion di Hurricane Hunters lo bishita Aruba diahuebs

ORANJESTAD – Diahuebs awor, un di e diez avionan cu Merca ta usa pa bula tripulantenan specialisa den horcan, conoci como hurricane hunters, lo ta na Aruba pa algun ora como parti di un tour den Caribe. Prensa a keda invita pa wak e avion aki, un WC 130 di cerca. Nan ta avionan cu ta bula den ciclonan tropical den Norte Atlantico y Oceano Pacifico y ta obtene data di tempo. E organisacionan cu ta bula e tipo di avionan aki ta e Forza aereo di Reserva su di 53 squadron, y NOAA (National Oceanic and Atmospheric Administration. No ta conoci si lo habri e bishita pa pueblo en general.