Astronomonan internacional a logra saca potret di un ‘buraco preto’

BRUSELAS – Astromonan internacional di e Event Horizon Telescope (EHT) a logra saca un potret di un ‘buraco preto’, osea un ‘black hole’. Ta trata di un potret di un buraco preto hopi pisa y su sombra cu ta para den e galaxia Messier 87. E existencia di un buraco preto ta un confirmacion di e teoria di relatividad general di conocido cientifico Albert Einstein. EHT a haci e logro conoci diaranson merdia durante 6 conferencia di prensa simultaneo na mundo. E buraco parse un mancha preto den centro di un nubia di gas cayente. “Ta parse cu nos ta mirando e heki di entrada di fierno, e fin di universo”, un professor Hulandes Heino Falcke a bisa. E buraco ta 100 biyon kilometer hancho y ta pisa 6.5 biyon mas hopi cu e massa di solo.