Parlamentarionan den tangana awor pa asunto di mensenhandel

Parlamentarionan den tangana awor pa asunto di mensenhandel

Posted on 04/9/2019 4:39 pm AST | Updated on 04/9/2019 6:37 pm AST

ORANJESTAD – Parlamentarionan di AVP y MEP ta den otro tangana, e biaha aki pa asunto di ‘mensenhandel’. Awe mainta fraccion di AVP tabata dilanti porta di Parlamento expresando  preocupacion enorme na Presidente di Parlamento en conexion cu sospecho y acusacion serio contra Parlamentario di fraccion di MEP, Endy Croes, y a entrega un carta na e presidente Ady Thijsen. Aki ta sospecha Croes di ta practica ‘mensenhandel’ cu hungadornan di softball. Croes mesora a bay radio y a refuta tur acusacion, admitiendo si cu den 2017 entre 4 pa 5 hungador di softball internacional lo a bin Aruba pa hunga den torneo, pero no a bolbe nan pais. Croes a sigura cu e commission di Aruba Softball Bond ta investigando e caso aki y cu no tin nada di haber cu mensen handel of smokkel. Mientrastanto AVP a haci un peticion na Presidente di Parlamento, Ady Thijsen pa asina cuminsa un investigacion urgente y pa haya aclaracion riba e acusacion fuerte y castigabel cu tin actualmente den direccion di Croes. AVP mientrastanto ta referi na un carta di Embahada Hulandes na Republica Dominicana, sospechando un persona di traficacion di hende. 

 

 

 

  • Wever: Gobierno deliberando cu RMR riba ley di LAFT

    Wever: Gobierno deliberando cu RMR riba ley di LAFT

    ORANJESTAD – Prome minister di Aruba Evelyn Wever Croes  a confirma e noticia di NoticiaCla diamars mainta, esta cu Gobierno di Aruba ta deliberando actualmente cu Rijksministerraad (RMR) kico ta e proximo paso despues cu Parlamento a pasa e ley di LAFT. Tabata den e programa na HITS 100FM mainta tempran cu e moderador Aldrich Croes den ‘Entrevista di Dia’,  cu e tema a bin dilanti. “Nos ta den deliberacion (si) cu RMR riba esaki pasobra esey ta loke nos a palabra” Wever a bisa Croes den e programa. Esaki ta kita speculacion pakico e ley no a keda firma ainda, manera mester ta e proceso. Y den un raportahe anterior, NoticiaCla a ilustra kico ta loke ta pasando. Awe, gobierno pues a confirma esey. 

  • Parlamento kier claridad di minister riba e.o. Trai’ Merdia

    Parlamento kier claridad di minister riba e.o. Trai’ Merdia

    ORANJESTAD – Parlamento di Aruba, mas specifico e commission fiho di Enseñansa a manda yama minister di Enseñansa Rudy Lamp pa bin ‘duna cuenta’ riba e planann di maneho pa cu Trai’ Merdia y scolnan SPO. E mandatario lo tin cu ‘duna claridad’ diaranson awor entre 2:30pm y 4:30pm, riba e temanan aki ya cu tin hopi incertidumbre, falta di informacion y posibel mal comprondemento. Entre otro e informacion di e cambionan cu e mandatario kier implementa, mientras cu e mandatario a sigura cu tur cos cu e ta haciendo ta na ordo y cu e informacion circulando riba ‘caya’ y den cierto medionan, no ta cuadra cu realidad. E reunion mientrastanto a keda oficialmente ubica riba e pagina di Facebook di Parlamento diamars mainta. 

  • Gobierno no a firma e ley di LAFT ainda pero tine wanta

    Gobierno no a firma e ley di LAFT ainda pero tine wanta

    ORANJESTAD – E ley nobo di LAFT cu Parlamento a pasa dia 6 di juni ultimo, ta na Gobierno ainda sin cu a firma esaki. Riba su mes, nada inusual pasobra ‘ta tuma entre 1 pa 2 siman pa Gobierno ‘ratifica’ (bekrachtig) e ley. Asina NoticiaCla a saca afor di investigacion haci riba e tema. Speculacion pakico e ley no ta firma ainda, ta hopi sinembargo. Pero informacion cu e portal aki tin, ta cu Gobierno lo kier warda kico Rijksministeraad ta haci dia 5 di juli proximo. Hulanda formalmente no a reacciona ainda y manera cu e protocol di LAFT tabata bisa, ‘RMR mester aproba e ley prome cu e drenta na vigor’. Algo cu Parlamento a cambia, pero cual cambio no a drenta na vigor ainda. 

  • Gobierno evaluando paso pa controla vehiculonan UTV

    Gobierno evaluando paso pa controla vehiculonan UTV

    ORANJESTAD – Gobierno ta evaluando pa tuma paso contra e asunto di vehiculonan special tipo UTV. Esaki despues cu e fin di siman aki un biaha mas a surgi un situacion unda cu algun di e UTV (utility task vehicle) a wordo ‘malusa’ y poni den laman, cu tur e consecuencia cu esaki por tin tanto pa e vehiculo como e naturalesa. Asina minister di transporte Chris Romero a bisa dialuna mainta durante un conferencia di prensa. NO a determina ainda kico exactamente lo haci, pero ta evaluando. Entre posibilidadnan, ta pa obliga companianan cu ta huur e vehiculonan aki, pa pone un GPS riba nan. 

  • Minister no kier pa prolonga contracto di Ezzard Cilie

    Minister no kier pa prolonga contracto di Ezzard Cilie

    ORANJESTAD – Gobierno no ta desea pa e contracto di e actual director medico di Horacio Oduber Hospital, Ezzard Cilie ora cu e contracto vence na december awor. Asina minister di salud Dangui Oduber a bisa diahuebs mainta durante un conferencia di prensa. Segun Oduber, e lo informa e hunta di supervision pa tene cuenta cu esaki. Mes momento kier pa dentro di 3 luna, tin un director nobo y uno financiero, pa cual lo saca proximamente un aviso di solicitud pa esaki. 

  • Politica na Aruba a cuminsa sinti e impacto di cambio di LAFT

    Politica na Aruba a cuminsa sinti e impacto di cambio di LAFT

    ORANJESTAD –  Mientras cu lider di fraccion di MEP den Parlamento di Aruba Rocco Tjon a reacciona asombra riba e carta cu colegio di supervision di gobierno CAFT a manda pa gobierno diaranson cancelando nan biahe pa Aruba, parlamentario pa AVP Richard Arends ta bisa cu ‘ e reaccion di CAFT tabata di spera’. Gobierno mientrastanto (lesa: minister Xiomara Maduro) ta wardando un reaccion di Rijksministeraad (RMR) y CAFT mescos. Tjon sinembargo no a warda pues, y riba peticion di NoticiaCla, AVP (lesa Richard Arends) tambe a reacciona.

  • aruba airlines
  • casino crystal.high rollers
  • Powered by SETAR