Trabou di renobacion a inicia riba caminda principal di Santa Cruz

SANTA CRUZ - Dialuna anochi a anuncia inicio di trabounan grandi tumando luga riba caminda principal di Santa Cruz! A cuminsa cuminsa raspa e caminda pa renoba e esaki y pone capa di asfalt nobo, ta trata un di e camindanan na Aruba cu pa hopi aña no tabata inclui den plannan di mantencion. 

E prome fase di renobacion y mantencion di e caminda ta for di e rotonde di Santa Cruz te cu Wema Santa Cruz. Minister di infrastructura Otmar Oduber na e sitio a indica cu e trabounan lo ta tumando luga anochi cual ta un maneho nobo cu a introduci teniendo consideracion y reduciendo e posibel molester cu e trabounan lo por causa pa esnan cu mas ta haci uzo di e caminda. 

E caminda aki ya pa hopi aña ta den mal estado y tabata mester un mantencion, awor comunidad por mira cu fondo pa drecha nos camindanan realmente ta wordo utilisa pa cumpli cu e necesidad cu tin den comunidad