Cadena hotelero Posadas kier habri all inclusive na Aruba tambe

MEXICO CITY — E compania madre di e cadena hotelero Grupo Posadas, ta evaluando y tin bista riba e isla di Aruba entre otro, pa expande nan hotelnan. Asina e portal Travelweek ta raporta. Mientras cu mayoria di e paisnan cu nan tin intencion di cuminsa construccion y of habri hotel nobo ta pa 2020, no tin fecha pa esun di Aruba. Den un comunicado mundial e siman aki, e compania a comparti nan pensamento. Nan tin hopi ambicion pa tin 300 propiedad pa 2020. Enrique Calderon, COO di Posadas, ta bisa cu Posadas tin 180 hotel den operacion cu 53 den construccion y pa habri den e proximo 30 luna. Mayoria di e hotelnan ta estilo All Inclusive. NOTA: Potret ta un ilustracion di un di nan hotelnan den operacion y no necesariamente uno cu nan kier tin na Aruba.