- KVK: Mayoria compania ta pensa cu e scarsedad di trahado lo empeora
- HOH: Ocupacion di cama poco poco ta bek na normalidad na hospital
- Video: Ryçond Santos do Nascimento ta considera su entrada den AVP como un eror
- Mas turista Colombiano ta biahando pa Corsou envez di Aruba den 2024
- Minister a anuncia mando nobo temporal na Cuerpo di bombero
Gobierno a ‘freeze’ subida den prijs di gasolin pa april
ORANJESTAD – Gobierno a ‘freeze’ subida den prijs di gasolin pa e luna di april. Esaki ta nifica cu e prijs di gasoline pa luna di april ta keda mescos cu e luna di maart, y no ta conoce subida. Si gobierno no a haci tal, e prijs di gasoline lo mester a subi cu 16.2 cent diaranson awor. Asina minister di Economia Xiomara Maduro a confirma pa NoticiaCla diamars merdia.
CALCULACION DI PRIJS
Manera ta un custumber cada dos siman di luna Departamento di Asuntonan Economico (DEACI) ta anuncia bahada of subida den prijs di gasolin. DEACI ta usa e sistema di calculacion di Platts, cual ta promedio pa luna di locual ta bende producto petrolero riba mercado internacional. Manera priminti Gobierno kier a cambia e formato di calcula e prijs di productonan petrolero y yega na un formato mas structural. Pa logra esaki Gobierno a reuni cu Refineria di Aruba (RDA), cu ta un compania di Gobierno, pa hunto contempla un otro manera pa haci e calculo di prijsnan pa producto petrolero haciendo uso di e prijs di compra di productonan petrolero como punto di salida, hunto cu e reserva di producto cu RDA ta almanece.
E PRIJS PA APRIL
Como tal e prijs pa e luna aki ta bira lo siguiente.
Gasoline unleaded-premium : 197,7 cent p/ltr. (+/- 0,0 cent)
Diesel LS : 181,1 cent p/ltr. (+ 3,8 cent)
Kerosin : 167,8 cent p/ltr. (+ 0,1 cent)
E prijsnan ta inclui BBO/BAZV/BAVP
ABSORBA
Maduro a anuncia cu RDA ta bay absorba locual ta e subida di prijs di gasolin cu Aruba mester a conoce e luna aki. Gasolin lo mester a subi cu 16.2 cen, pero Gobierno a yega na un acuerdo cu RDA pa absorba e subida aki pa e luna di april. Pues pa e luna di april Gobierno ta ‘freeze, ’ ta mantene e prijs di gasolin na e nivel di e luna maart. Esaki ta necesario pa por caba cu e combersacionnan pendiente cu RDA pa asina por yega na un sistema nobo pa calcula e prijsnan di e benta di producto petrolero na Aruba.
KVK: Mayoria compania ta pensa cu e scarsedad di trahado lo empeora
ORANJESTAD – Mayoria compania ta pensa cu e scarsedad di trahado na Aruba lo empeora. Asina Camara di Comercio ta raporta diaranson.
Mas turista Colombiano ta biahando pa Corsou envez di Aruba den 2024
BOGOTA – Mas turista Colombiano a bay Corsou envez di Aruba. Asina presidente ehecutivo di Asociación Colombiana de Agencias de Viajes y Turismo, (ANATO), Paula Cortés Calle ta raporta segun un raportahe di e portal Colombiano El Nuevo Siglo ta raporta. Mientras cu paisnan manera Merca, Spaña, Panama y Republica Dominicano ta conta pa 69% di e Colombianonan cu ta biaha pa exterior, e pais cu mas crecemento ta Corsou cu 157% di participacion, compara cu Aruba cu tin ‘apenas’ 63%. Hasta Hulanda tin mas trafico di Colombia, na 81%. Pero ta sigui Aruba cu 47% y Panama cu 44%. Segun ANATO, e prome trimester di 2024, 1.345.687 Colombiano a biaha pa exterior, cu ta un aumento di 13%, compara cu e mesun periodo aña pasa. “E resultadonan positivo aki ta refleha e recuperacion di turismo saliente, cu ta beneficia e industria relaciona, den e area, hotel y restaurant, entre otro” Cortés Calle a finalisa bisando.
Pa aña 2024 y 2025, ATIA lo enfoca mas riba e tema laboral
ORANJESTAD - Diabierna 19 di april 2024, Aruba Trade and Industry Association (ATIA) a tene su reuniun general di miembrecia den e sala di conferencia di ATIA.
Aruba Bank ta presenta un serie di entrevista cu su Mortgage Advisors – “Caweta di Hipoteca”
A.T.A: Turismo ‘stayover’ pa Aruba a crece cu mas di 25% den maart 2024
ORANJESTAD - Den e prome kwartaal di 2024, a conta cu cifranan prometedor pa turismo como e pilar di entrada primordial y di suma importancia pa economía di Aruba. Asina e oficina di turismo di Aruba ATA, a bisa den un comunicado. A.T.A. ta pone hopi enfasis riba e modelo di “High Value-Low Impact” cu ta para pa un balans entre cuater pilar cu ta e ‘Calidad di Bida di e residente’, ‘Calidad di Experiencia di e Bishitante’, Proteccion y Preservacion di Naturalesa & Medio Ambiente, y Contribucion Economico di e Sector Turistico’. E meta ta pa sigui mantene esfuerzonan den linea segun e balans menciona, y logra aumenta e entrada proporcionalmente mas cu e volumen cu nos destinacion ta ricibi. Capacidad di carga tambe ta sigui ricibi atencion di parti di A.T.A. di diferente manera.
Aruba ta den e top 5 pa loke ta e hafnan pa crucero den Caribe
ORANJESTAD – Aruba (y Corsou) ta figura den e top 5 di hafnan pa barconan crucero segun e portal cruisefever.net. Ta considera Aruba esun mas conoci di e islanan ABC, segun e portal. E haf di Aruba ta popular pa cruceronan cu itinerario di 8 pa 12 dia. E beachnan blanco, historia colonial, y e seguridad ta motibonan pa e escogencia aki. No descuida pa e oportunidad di compras tambe. Corsou tambe ta figura den e top 5 na di ultimo lugar, esta #5 compara cu Aruba cu ta na number 2. E edificionan colonial tambe y e ciudad Willemstad, e rifnan colorido y e cafenan interesante tabata motibo suficiente pa scohe e isla tambe. E prome pais den Caribe ta St Maarten, sigui pa Aruba, Grand Cayman, San Juan y Corsou.
Follow NoticiaCla
