Corte a duna ex vocero OM Corsou mas castigo cu loke a pidi p’e

Corte a duna ex vocero OM Corsou mas castigo cu loke a pidi p’e

Posted on 04/8/2019 6:11 pm AST | Updated on 04/8/2019 6:12 pm AST

WILLEMSTAD – Corte di prome instancia na Corsou a sentencia ex vocero di Ministerio Publico di Corsou y St Maarten Norman Serphos na un castigo mas halto di loke cu OM mes a pidi dialuna. Serphos a haya un castigo di 40 ora di trabou comunitario incondicional y 20 dia di prison si e no cumpli cu e trabou manera debe ser. E demanda di OM tabata 60 dia di trabou comunitario condicional y un periodo di prison di 30 dia si e no cumpli. 

PRUEBA

Corte a haya legalmente y convincentemente proba cu Serphos riba 20 di December 2018 a haci un denuncia falso na polis, asabiendas cu esaki tabata un mentira y contra ley, cu su account di Facebook a keda gehacked. E defensa di abogado cu esaki tabata como un forma di necesidad no ta valido. No ta probable segun Corte, cu debi na menasa di morto contra Serphos, e mester a haci e denuncia falso. For di e dossier ta aparece cu Serphos a haci e denuncia riba insistencia di PG y Fiscal Mayor, ya cu Serphos mes no kier a haci e denuncia. Esey tabata e acto mas logico den un situacion normal pa por defende su curpa. Sinembargo, como cu Serphos a gaña, e acto aki mesora ta bira uno illegal, cu ni PG ni Fiscal no tabata na altura di dje. 

CASTIGABEL

Un denuncia falso ta castigabel pa ley pasobra tin e peliger cu polis y husticia lo wordo engaña. Serphos a haci su mes culpable na esaki, mientras cu e mes tabata trahando na OM. Como tal Corte ta considera esaki algo hopi serio cu Serphos a haci. Como tal Corte no por eherce un ‘pordon’, y mas bien tin motibo pa duna e sospechoso un castigo mas severo ainda segun huez. Y cu e demanda di OM, huez no ta haya cu esaki lo demonstra e gravedad di e delito. Y pesey a aumenta e castigo considerablemente. 

 

  

  • Cft: ‘Corsou ta para dilanti di un tarea dificil’

    Cft: ‘Corsou ta para dilanti di un tarea dificil’

    WILLEMSTAD – E deficit di Corsou pa 2018 di ANG 53 miyon ta menasa di sigui aumenta y sali considerablemente mas halto cu loke a premira te poco tempo pasa ey. Pa 2019 Colegio di supervision financiero di Corsou y Sint Maarten (Cft) ta tene cuenta cu un deficit di mas di ANG 100 miyon pa motibo di contratempo financiero. Cft ta constata cu Corsou ta tumando e medidanan necesario pa mehora cobramento di impuesto. Na mes momento, ainda nan no a tuma medida eficaz pa baha gasto. Bahamento di gasto ta necesario y urgente, tanto pa reduci e deficitnan cuantioso como tambe pa tene e riesgonan di disminucion di e reserva di divisa di Corsou bou di control.

  • Earth Wind & Fire, Black Eyed Peas y Nicky Jam na CNSJ 2019!

    Earth Wind & Fire, Black Eyed Peas y Nicky Jam na CNSJ 2019!

    WILLEMSTAD – Diaranson atardi organisadornan di Curacao North Sea Jazz a anuncia tres nomber mas pa e festival. Earth Wind & Fire, Black Eyed Peas y Nicky Jam.  Ken no ta kòrda e fiesta ku Earth Wind and Fire a pone na stage Sam Cooke na 2011. Awèl nos tin bon notisia pa bosnan: despues di 8 aña e banda ta bolbe Kòrsou ku su eksitonan inolvidabel di añanan 70 manera Fantasy, September, Boogie Wonderland, After The Love Has Gone i hopi mas. E piesanan aki ta fresku den memoria di esnan ku un tempu ta kana ku karson bèlbòtem i sapatu Godfather. Pa kasi 50 aña e banda di Chicago ta pone fiesta riba esenarionan rònt mundu ku un elenko musikal di dies hende, un sekshon di bras sin presedente i un kombinashon di bos fantástiko; mesklando nan estilo di pòp, disko, soul i funk. Nan fundador Maurice White a fayesé na 2016, pero tres otro miembro prinsipal, e kantante Philip Bailey, e perkushonista Ralph Johnson i e bahista Verdine White (ruman di Maurice) tei ketu bai ku e banda alimentando e kandela ku entusiasmo.

  • Crisis di Venezuela a domina tripartit di premiernan di Aruba, Corsou y St Maarten

    Crisis di Venezuela a domina tripartit di premiernan di Aruba, Corsou y St Maarten

    WILLEMSTAD – Durante e reunion triparti entre prome ministernan di Aruba, Corsou y St Maarten, e tema cu a prevalece un biaha mas tabata e situacion di Venezuela. Durante curso di e dia Promé Ministernan di Aruba, Evelyn Wever-Croes, di Sint Maarten, Leona Romeo-Marlin y di Còrsou, Eugene Rhuggenaath a reuni. Pa 4:30 di atardi, tabatin un conferencia di prensa di e tres mandatarionan unda cu cada mandatario a elabora mas riba e tema.  

  • Corsou ta conoce su di 9 morto den trafico

    Corsou ta conoce su di 9 morto den trafico

    WILLEMSTAD – Despues di un accidente grandi algun ora prome dialuna mainta, Corsou ta conoce otro accidente, cu e biaha aki a bira fatal. Detayes no ta conoci ainda pero ta trata un accidente dialuna atardi riba caminda pa bay Bullenbaai. Asina e isla ta conoce su di 9 morto den trafico. Paz na su restonan.Potret cortesia screenshot Yves Cooper. 

  • Accidente serio di trafico cu 7 auto envolvi na Corsou

    Accidente serio di trafico cu 7 auto envolvi na Corsou

    WILLEMSTAD – Dialuna mainta tempran a sosode un accidente di trafico serio na Corsou cu por lo menos 7 auto envolvi. E accdente a tuma lugar na subida di Juliana Brug na altura di Panama. E accidente ta afecta e parti d iOtrabanda pa bay Punda. E accidente aki a laga hopi daño di material y algun herido leve. Trafico consecuentemente a keda basta pega. Potret cortesia Noticia ING

  • Hensley Koeiman no ta lider mas di partido MAN na Corsou

    Hensley Koeiman no ta lider mas di partido MAN na Corsou

    WILLEMSTAD - Hensley Koeiman no ta lider mas di partido politico MAN na Corsou. Asina prensa di Corsou ta raporta. Ocho siman pasa el a manda e carta pa directiva di partido, cu ayera a bira conoci. Aparentemente door di e asunto di colega di partido Steve Martina, e carta a keda colga. Motibo di retiro no ta conoci, pero prensa di Corsou ta specula cu e tin di haber cu problema den ministerio di e mandatario, cu ta di asuntonan social. Koeiman ta den exterior aworaki pa un biahe di trabou. Potret cortesia EXTRA. 

  • Powered by SETAR