Sneek: E hecho cu no por actua contra CITGO awor, no ta berdad

ORANJESTAD – Gobierno di Aruba por actua aworaki caba y no tin cu warda te fin di 2020 pa actua contra CITGO. Asina lider di fraccion di AVP Marlon Sneek a bisa den e programa NoticiaCla LIVE. Mientras cu no por bisa CITGO pa para awor, por cuminsa atende e asunto cu nan den fase. Pues e hecho cu nos ta secuestra pa CITGO, no ta berdad segun Sneek. “Esaki no ta berdad. E contract ta cera cu fase. Awor tin inbreuk caba” Sneek a sigui bisa.” Di tal fecha pa tal fecha cosnan mester pasa” Sneek a bisa, cu ta mustra cu aworaki por kibra contract pasobra algun fase no a sigui y no ta siguiendo.  “Bo tin cu yega na mesa cu nan, tin su procedura con pa deal cu nan”. 

CONTRACT

E contract segun Sneek, riba su mes ta un bon contract. E ta pone cu bo por garantisa cu niun hende ta cana bay sin cumpli, Sneek ta sigui bisa. E ta mustra cu awor danki na e contract, tin un Rda (Refineria di Aruba) cu tin FMSA bou di dje, tin un tank farm di Land Aruba, esta e propiedad cu antes tabata den man di Valero. E gobierno aki mes por chica placa di ganashi di RdA segun Sneek.  Aruba ta hayando entrada directamente via di RdA. Banda di dje, segun Sneek, tin un contact cu si nan no cumpli, e compania mester tin placa pa cubri daño, y tin e penalties. Pero segun Sneek, ta abo como gobierno  mester percura pa e wordo ehecuta manera mester ta. Pues e hecho cu prome minister di Aruba Evelyn Wever ta bisa cu nos ta man mara, y secuestra pa e contracto di CITGO, no ta berdad.