APA a ricibi e tugboat nobo di 13 miyon florin pa duna miho servicio

ORANJESTAD - Riba diasabra ultimo e tugboat Colorado a drenta waf di Oranjestad. Esaki ta un inversion di 13 miyon florin cu APA como e instancia encarga cu e wafnan na nos Pais, ta haci cu ta beneficia e economia di Aruba. Cu nos propio tugboat nobo y moderno awor APA por ofrece un mihor servicio portuario na e barconan cu ta frecuenta nos pais.  E inversion miyonario aki sigur ta benificia nos turismo crusero y comercio na Aruba cu por conta riba un miho servicio na nos wafnan. Pa varios aña Aruba tabatin 2 tugboat, Andicuri y Cudarebo, pero nan a bay for di circulacion y mester a huur tugboat pa duna e servicio necesario.