OM: Aumento di castigo pidi den caso Mitch Henriquez

SCHIPHOL – Ministerio Publico a aumenta e demanda di castigo dialuna na Hulanda den caso di apelacion di morto di Mitch Henriquez. Si ta pa OM, e dos polisnan envolvi, lo mester wordo prohibi pa traha como polis pa 2 aña, fuera di e castigo condicional di prison di 6 luna. E famia ta decepciona den esaki pasobra nan kier castigo di prison incondicional pa e polisnan. 

CASO 

Den e corte di prome instancia, OM a pidi corte pa declara e polisnan culpable, pero no impone castigo. For di e pleidooi di OM, ta parse cu nan a cambia di pensamento y ta considera otro castigo a base di un rapport nobo presenta pa un professor, Wilma Duijst. 

CAUSA DI MORTO

Segun Duijst, un sindroma di stress agudo no ta existi den mundo medico. Den e prome caso, OM a basa su mes si riba e fenomeno aki como e posibel causa di morto y no e ‘nekklem’ di polis. Esey awor ta otro. “ A bin mas claridad riba e pregunta den ki forma e violencia riba e garganta di Mitch Henriquez lo a contribui na su morto – algo cu awor ta posibel sin mas awor, e AG di OM. “ Esey ta fortifica e conclusion di corte”. OM a sigui bisa. 

FAMIA NO CONTENTO

E famianan di Mitch Henriquez segun nan abogado Richard Korver, awor ta contento cu OM tambe ta mira awor cu door di e actuacion di e polisnan, nan ta culpable na morto di Henriquez, y cu a exigi un prohibicion di trabou. Pero e demanda ainda ta sigui mucho abou. “E famia kier un castigo incondicional di prison”. 

Fuente: Caribisch Netwerk  Autor y potretnan: Natasja Gibbs