Joran van der Sloot a hinca su mes segun vice presidente di INPE

PERU –  Joran van der Sloot lo a hinca su mes cu cuchiu den e prison Challapalca, y no a wordo hinca manera inicialmente a wordo raporta. Esaki ta loke cu Julio Magan, vice presidente di e instituto di prison di Peru (INPE) a bisa diaranson y cu e instancia noticioso RTL nieuws ta raporta. Segun Magan, ta docternan cu a atende e heridanan di vd Sloot, lo a bisa cu esakinan no ta deriva di un bringamento of agresion, pero propio propina.

E declaracion aki ta contradeci esun di e abogado di vd Sloot, Altez, cu a sigura dialuna cu su cliente a wordo propina pa un otro prisonero, pasobra ‘nan kier pa e prison challapalca wordo sera. Un eventual caso di asesinato den e prison, lo por conduci den seramento di e prison, y ta esey ta loke cu e prizoneronan lo kier a logra, pero no tabata exitoso. Instancianan di derecho humano kier pa e prison wordo sera, debi na e circumstancia cu e prison ta aden. Entre nan, sin cu ta prove sistema di ‘verwarming’, e tempo por bira 20 grado bou di sero, sin problema.