Mayor cu a agredi un maestra, a keda deteni diabierna

Mayor cu a agredi un maestra, a keda deteni diabierna

Posted on 04/5/2019 8:35 pm AST | Updated on 04/5/2019 9:00 pm AST

ORANJESTAD - Polis a detene e mayor M. Toppenberg diabierna atardi 3 pm pa maltrato. Vocero di ministerio publico Ann Angela a confirma e detencion y a splica cu ta awe tardi 3'or e detencion a tuma lugar. Esaki ta a consecuencia cu e maestra cu a wordo agredi pa e mayor, a entrega keho despues. E acto a tuma lugar dos siman na scol unda cu e mayor a bay reclama e maestra un proceso di parti bolo den klas. E mayor no a gusta loke el a tende di parti di e maestra como splicacion pa cual e mayor a dicidi di agredi e maestra. E acto aki a causa consternacion den mundo di enseñansa y a pone un grupo di maestra marcha pa gobierno y entrega un manifiesta cu e meta pa actonan asina no tuma lugar nunca mas. Ya caba e comision di enseñansa di Parlamento a reuni cu e comision cu a keda forma pa resolve e asunto. Mientrastanto, e mayor ta deteni acusa di maltrato di un otro persona. 

  • Corte a pospone sentencia Fundacion Lotto pa Deporte pa di 8 biaha

    Corte a pospone sentencia Fundacion Lotto pa Deporte pa di 8 biaha

    ORANJESTAD – Pa straño cu por zona, un biaha mas corte a pospone e sentencia den caso di Fundacion Lotto pa Deporte, y a manda esaki te 11 di September  proximo. For di aña pasa October a pospone esaki casi tur luna. Awor a pospone esaki un biaha mas awe mainta, pasobra aworaki corte ta drenta den periodo di receso tambe. E ultimo biaha cu a pospone esaki, e tabata posponi pa 10 di mei, pero despues a pospone esey te cu e fecha di awe. Awe mainta pues Corte a mande te e fecha nobo, 11 di September. Como tal, atrobe, Gobierno mester warda un poco mas pa sa si e por haya control bek den e Fundacion Lotto pa Deporte.

  • Lejuez: Paskel a actua di defensa propio contra Sosa

    Lejuez: Paskel a actua di defensa propio contra Sosa

    ORANJESTAD – Corte a trata e caso di asesinato di Camilo Sosa diabierna den corte. Abogado pa e sospechoso A.Paskel, Chris Lejuez a bisa Hues cu e caso aki ta dificil pa tanto famia di acusado como famia di e victima. Abogado mr. Lejuez ta comparti punto di bista di Fiscal cu no ta premedita. El a bisa cu dia 2 September 2018, Camilo a mira cu Paskel tabata riba parking lot patras di Sand Bar y a bringa. Ora cu Camilo a dal Paskel na cara, el a perde cabez. Ora cu e otronan a bay yuda Camilo, Paskel a bira mas rabia. El a bay pero a keda cu hopi rabia y bolbe den su auto y a hinca Camilo. Abogad a bisa Hues cu e no ta haya cu Paskel a actua premedita pasobra e no a haya chens pa pensa mes kico tur lo por tabata e consecuencianan di loke el a haci, promer cu el a hinca.

  • Fiscal: Sospecho di asesinato tabatin intencion di mata Sosa

    Fiscal: Sospecho di asesinato tabatin intencion di mata Sosa

    ORANJESTAD -- Hues durante tratamento di e caso di asesinato di Camilo Sosa diabierna mainta den corte, a mustra cu dia 2 September 2018, e victima Camilo tabata hunto cu su amigonan riba e parking lot patras di Sand Bar. Camilo a mira Paskel y a bisa su amigonan cu Paskel a horta su auto. El a bay reclama Paskel y nan a bringa. Tres di e amigonan a yuda Camilo bringa contra Paskel. Paskel lo a cay y su t-shirt a kibra. Paskel a lanta y kita su t-shirt. Hues a bisa cu riba imagennan di camera di seguridad Polis a mira con Paskel y e otronan cu tabata hunto Camilo, tabata haci movecion manera ta bay sigui bringa pero nada no a sosode. Hues a bisa cu mirando cu e imagennan ta hororoso e no kier pasa esakinan riba pantaya pa tur hende den sala mira. Fiscal a bisa Hues cu e si kier pa confronta Paskel cu esakinan pero cu lo pasa e imagennan riba laptop di Fiscal dilanti Hues y Paskel lo bay dilanti mesa hunto cu su abogado pa mira esakinan. Hues a sigui bisa cu un rato despues Paskel a bay y Camilo cu dos amigo tabata canando. Diripiente ta mira Paskel ta core bay riba Camilo y tabata haci movecion di hinca  y a core bay. E amigonan a core tras di Paskel y Camilo ta zak den otro.

  • Fiscal a pidi 12 aña prizon pa asesino di Camilo Sosa

    Fiscal a pidi 12 aña prizon pa asesino di Camilo Sosa

    ORANJESTAD – Fiscal den e caso di asesinato contra e hoben Camilo Sosa a pidi 12 aña di prizon pa e sospechoso R. Paskel. E caso a cuminsa diabierna mainta 9’or, y ta continua pa resto di dia. Fiscal a mustra cu segun investigacion, e morto no tabata premedita, pero si a referi na un post unda cu Paskel a pone cu 10 aña cera ta miho cu 6 pia bou di tera. Keda pendiente pa mas informacion. 

  • Homber Ras acusa di a mata su pareha, ta dilanti huez diabierna

    Homber Ras acusa di a mata su pareha, ta dilanti huez diabierna

    ORANJESTAD – Diabierna mainta e homber  di inicial A. Ras cu ta wordo acusa di a intencionalmente tuma bida di su pareha dia 7 di november 2018, tin cu aparece dilanti huez. E ta wordo sospecha di a mata su pareha dor di hinke un of mas biaha cu un multitool na su pecho.  Ademas Ras ta wordo acusa di posesion di cocaine y marihuana riba 31 di maart 2018.

  • Caso di asesinato di Camilo Sosa ta tuma lugar diabierna den corte

    Caso di asesinato di Camilo Sosa ta tuma lugar diabierna den corte

    ORANJESTAD – E caso di asesinato di e hoben Camilo Sosa riba 2 di September 2018, unda cu e sospechoso R. Paskel tin cu presenta dilanti mesa berde ta tuma lugar diabierna mainta 9’or. Paskel ta wordo acusa di a intencionalmente tuma bida di un persona riba 2 di september 2018, dor di hinke un of mas biaha cu un cuchio. Tambe Paskel. ta wordo acusa di ladronicia riba 28 di oktober 2017 y di menaza y maltrato riba 29 di juni 2018.

  • Powered by SETAR