Doño di Amazon a yega na acuerdo di diborcio mas caro di mundo

NEW YORK – E homber mas rico di mundo Jeff Bezos y su casa MacKenzie a yega na un acuerdo pa e areglo di diborcio mas caro, cu ta bira un recor di 35 biyon dollars. E pronto ex casa lo keda cu 4% di control den e compania di su ex casa (Amazon) cu ta balora na 35.6 biyon dollar. Amazon a wordo funda pa Jeff Bezos na 1994, un aña despues cu e pareha a casa, y e pronto ex, tabata un di e prome empleado di dje. Fuera di e detaye revela, no tin nada mas di informacion. E accionan lo haci ex Bezos e di tres muher mas rico di mundo, mientras cu Jeff Bezos mes lo keda e homber mas rico di mundo. Nan tin 4 yiu a casa na 1993. Bezos lo mantene 75% di e accionan di e compania, y e ex awor a traspasa su derecho di voto pa su ex casa. Mescos el a entrega su interes den e corant Washington Post. E compania Amazon a general 232.8 biyon dollar na entrada y a yuda e famia genera un fortuna di 131 biyon.