Buelo di Surinam Airways pa Aruba a bolbe Surnam pa aterizahe di emergencia

PARAMARIBO – E buelo di Surinam Airways PY463 rumbo pa Aruba diabierna (awe) mainta mester a bolbe Surnam pa un aterisahe di emergencia. Mayoria di e 100 y pico pasaheronan a keda perhudica pasobra nan mester a sigui nan coneccion pa otro destinacion. E buelo a sali na ora, 9am pero despues di 18 minuut mester a bolbe. “E piloto a anuncia cu nos mester a bolbe pa Surnam pasobra tabatin un porta cu no tabata gelocked”, un pasahero a bisa despues. E pasahero en cuestion awor a perde su coneccion pa Trinidad. Fuera di Trinidad, tin buelonan cu coneccion pa Panama y Merca, cu awor ta bira un problema. Di otro banda, oficialnan di Surinam Airways na Paramaribo a bisa pasaheronan cu nan por ta responsabel solamente pa percura pa nan yega Aruba. Na Aruba tambe por a nota e cambio, y segun e ora di yegada, 10:45am awor a cambia pa 1:30, pues algo menos di tres ora di retraso. No ta conoci si lo usa e mesun avion pa ehecuta e buelo aki.