Polis a detene homber problematico sin document di auto

ORANJESTAD - Diahuebs riba e caminda di Tanki Leendert patruya di Noord a para un chauffeur di un Nissan Note cu tabata core cu plachi number blauw y esaki a intenta di huy pero el a logra para. Ora e official di polis a bay atende cu ne e homber a lanta cu e oficialnan y a bringa cu nan. A lucha cu e homber y logra detene. E auto no tin ni seguro, ni belasting paga y e homber ni rijbewijs. Ora e oficialnan a bay controla den e auto a topa cu dos sker, marihuana y placa. A tuma esakinan den beslag y pase over pa sub fiscal.