Ley pa kita Aruba for di lista preto di E.U. a keda aproba

ORANJESTAD - Diahuebs mainta Minister  Maduro di Finansa Maduro tabata den Parlamento pa trata e cambionan necesario den leynan di impuesto di nos Pais pa asina Aruba por cumpli cu reglanan di Union Europeo EU y e Organisacion pa Cooperacion y Desaroyo Economico OESO pa evita cu tin regimen den nos sistema fiscal cu ta permiti negoshi pa paga hopi menos of keda sin paga impuesto. 

EU den pasado a remarca 3 regimen cu no ta cumpli cu e reglanan, e San Nicolas regime, e patentbox di e IPC regime nobo y e Vehiculo Transparente. Gobierno a logra trata e promer 2 puntonan na tempo na october 2017 y na februari 2018, pero no a logra keda cla na ora cu e Vehiculo Transparente. 

Cu e cambionan cu a keda aproba pa Parlamento y hunto cu e Decreto Gubernamental cu ta sustancia e actividadnan real di e Vehiculo Transparente na Aruba, nos ta cumpli como Pais na e reglanan internacional. Cu e cambio di ley aki awor Aruba por wordo kita for di e lista preto di EU na mei proximo.