WEB: Fayo tecnico a pone turbina generador cay afo diaranson

ORANJESTAD – Un fayo tecnico a pone turbina generador cay afo diaranson. Asina vocero di e compania di utilidad WEB, Asja Dongen a bisa NoticiaCla diahuebs mainta. Tabta ayera alrededor di 4 or di atardi cu a tuma luga na central di produccion di coriente na WEB, un fayo tecnico cual a pone cu un turbina generador a cay afo. Segun Dongen, pa evita cu mas turbina lo a cay afo, WEB a haña su mes obliga di interumpi coriente na areanan cu na e momento ey tawata ranca hopi coriente. Consecuentemente e areanan di hotel, Santa Cruz y Pos Chikito a keda sin coriente. Asina cu a logra soluciona e storing na WEB, hunto cu ELMAR a inicia e proceso di reconecta e suministro pa e areanan menciona. Danki na e reaccion rapido di e tecniconan den central di produccion di coriente na WEB, e interupcion a dura menos cu 1 ora y a sa di evita cu mas area lo a keda afecta. No obstante esey WEB a ofrece su disculpa pa e inconveniencia causa.