Prome minister Wever a papia cu Guaidó pa caso CITGO Aruba

ORANJESTAD – Prome minister di Aruba Evelyn Wever a tene su prome combersacion telefonico cu presidente interino Venezolano Juan Guaidó dialuna, riba e situacion di refineria di CITGO na Aruba. “Mi mes a papia cu ne awe pasobra mi a haya importante si e ta bisa cu e tin control di e companianan (petrolero) anto esaki ta pasa”, Wever a bisa, refiriendo na e hecho cu CITGO no kier duna Aruba e placa pa continua cu e fase 2. “Anto e ora nan (PDVSA Holding:red) no ta di buena fe” Wever a sigui bisa di su combersacion. 

REGIMEN ANTERIOR

Wever a bisa NoticiaCla cu e la kere cu e regimen anterior (Maduro:red) tin control di e companianan (PDVSA/CITGO) ainda. Nan a duna nos indicacion (representante di Guaido), e impresionan na nos cu nan ta kere den e refineria, y e ta strategico pa nan tambe. “Awel si e ta strategico pa bo, anto e ora mustrami awor cu e ta strategico pabo. Pasobra aworaki ta PDVSA (Holding:red) ta e unico cu ta strobando pa e 15 miyon dollar por drenta Aruba” Wever a bisa.

PELIGRA RELACION CU ARUBA

A puntra Wever si e hecho cu e combersacion cu Guaidó no ta peligra e poco relacion cu tin ainda cu e presidente (Nicolas) Maduro y cu esey por tin represaya, Wever a bisa, cu esaki a sosode caba cu e ciere di frontera. “Nan a straf nos mescos cu Corsou anyway” Wever a bisa riba esey. Tanto e regimen di Maduro como esun di Guaidó, tur dos a indica cu e refineria ta strategico. “ Nos ta andando cu tur dos pa nan zorg pa haci uso pa PDVSA haci uso di e general license. Ora cu ta trata interes di Aruba, nos ta purba move tur piedra. Nos no por keda sin papia cu esun p’e otro no rabia” Wever a sigui bisa.