Kiwanis Club of Aruba cu otro torneo di golf anual pa recauda fondo

ORANJESTAD - Kiwanis Club of Aruba a organisa dia 24 di maart 2019 su di 10 torneo anual di golf riba e cancha di golf di The Links na Divi.  E torneo di golf aki tabata di 18 “holes” den team di 4 persona cu e formato scramble.

E interes p’e torneo e aña aki tambe tabata asina grandi cu el a “sold out” 2 siman prome cu e torneo.  Tabatin 2 “flight”; e prome “flight” cu a cuminsa pa 8’or di mainta y e di 2 “flight” 12’or y mey di merdia.   Como e premio pa e ‘hole-in-on’ tabata un Ford Edge SEL 2019 patrosina pa Yrausquin, pero ningun hungador a logra bay cu e premio unico aki. En conexion cu e celebracion di e di 10 aniversario, a tene e diabierna prome cu e torneo di golf, un atardi ameno di registracion combina cu un cocktail party pa e golfistanan patrocina pa Aruba Trading Company.  E diadomingo di e torneo prome cu a pasa pa entregamento di premio na e ganadornan tabatin un subasta cortesia di diferente patronisador, manera entre otro; un cuadra di e coleccion 2019 di Elisa Lejuez, un mini escultura di Lolita cortesia di Gilbert Senchi, y un espectacular cadena cu un hanger di diamanta den forma di curason di Little Switzerland.  Tambe a wordo teni un rifa cu diferente premio atractivo cortestia di Divi Links, The Ritz-Carlton Aruba y Papiamento Restaurant.  

Na final di dia, e resultadonan a bira conoci:

Best Gross:     Antonio Fanianos, Juan Bocache, Orlando Luzardo y Walter Stipa. 

Best Net:         Bjorn Angela, Eddy Mohamed, Edson Kelly y Robert Charles 

Longest drive male:      Ed Croes

Longest drive female:   Libby Ter Weeme

Closest to the pin:         Deo Fluonia

E presidente di Kiwanis Club of Aruba,  Edalitza Weller, a haci entrega di e donacion na balor di AWG 10.000,-  na “Stichting Trampolin pa Trabao”. E donacion aki ta bin directamente for di e fondonan recauda di e torneo di golf y lo wordo uza p’e fundacion eherce su tremendo trabou na bienestar di nos mucha- y hobennan special den e comunidad.

Kiwanis Club of Aruba kier a gradici tur e golfistanan cu a participa y tambe tur e sponsornan di e exitoso torneo di golf aki cu ta: AIB Bank, Aruba Airport Authority, AFAS Software, Advance Human Resource Group, AMC Unicon, Arugas, AT, CIBC First Caribbean, CMB, Compliance Services Caribbean, Deloitte, Digicel, Ennia, FMSA/RDA, Glitz Casino, Guardian Group, Grand Thornton,  RBC Royal Caribbean, SETAR, Valspar, Web, Wema, Yrausquin, Aruba Trading Company,  Manrique Capriles, Agat Events, y Click Print.

Por ultimo un danki masha grandi tambe ta bay na e personal di The Links y Divi Resort, pa nan tremendo cooperacion y dedicacion na e realisacion di e torneo aki.