Aruba Bank ta anuncia su Walk & Run 2019

Posted on 04/1/2019 5:38 pm AST | Updated on 04/1/2019 5:39 pm AST

ORANJESTAD -: Aruba Bank a anuncia na pueblo nan di 15 edicion di e evento anual di movecion “Aruba Bank Walk & Run 2019”, hunto cu su partner Subway y demas colaboradornan Cuerpo di Polis, IBiSA y Patrishi Sports. E evento di aña pasa a marca un record time di sellout den menos di 1 ora. Pa e motibo aki ta corda tur cu ta interesa pa registra, pa tene cuenta cu lo habri registracion dia  6 di Mei proximo, pa exactamente 9’or di mainta. Un biaha mas lo habri registracion pa e prome 2500 participantenan.

Manera e ultimo dos añanan e App di e evento y e website www.arubabank.com ta bay ta e medionan principal pa registra. Ademas di e “Live tracking” y “Social Share feature”, e App tin “trainings plans & tips” pa yuda e participante prepara sumes pa e 4-days Walk & Run, tambe e App lo tin e popular playlist introduci na 2018, alabes lo tin informacion importante pa tur participante tocante reglanan, rutanan y hopi mas. 

Desde aña pasa e Walk & Run a introduci e concepto di un evento “plastic free”, cual concepto ta mantene pa e evento di 2019 tambe, unda cu durante e rutanan Aruba Bank no lo duna awa den cups ni boli y esaki ta en conexion cu e Green Wave efforts. Pues, corda trece bo boter di awa, y bo tin e opcion di refill esaki na Start, Halfway di e ruta, y na Finish, pa asina bo curpa keda hidrata.

Corda marca e fechanan pa e gran evento dianan diamars 21, diaranson 22, diahuebs 23 y diabierna 24 di Mei. E caminata y coremento lo inicia pa 6:30pm. E aña aki un bes mas nos lo ta den districtonan di San Nicolas, Sta, Cruz, Paradera y Hato. Lo publica e informacion exacto ariba e Aruba Bank Walk & Run App, ariba www.arubabank.com y ariba nos Facebook page www.facebook.com/Arubabank.

Si bo tin e Walk & Run App di 2018 ainda, bo tin cu bay den bo App store y update esaki. Si bo no a download e Aruba Bank Walk & Run App ainda, haci esaki awe mes via bo Play store of App store y mantene bo mes prepara y informa di tur detaye di e gran evento aki, organisa pa e comunidad di Aruba.

  • Aruba ta pasa pa quarter finals su Beach Tennis World Championship

    Aruba ta pasa pa quarter finals su Beach Tennis World Championship

    ORANJESTAD - Actualmente ta tumando lugar e “Beach Tennis World Championship 2019” na Terracina Italia, caminda tin algun di nos hungadornan local participando. Entre nan nos tin Aksel Samardzic, kende a forma ekipo cu Ramon “ Nacho” Guedez, sigur un persona no desconoci den e deporte di Beach Tennis na Aruba. 

  • Forbes: Lionel Messi deportista miho paga na mundo pa 2019

    Forbes: Lionel Messi deportista miho paga na mundo pa 2019

    NEW YORK – Segun e revista financiero Forbes, Lionel Messi ta e deportista mas miho paga cu 254 miyon dollar, sigui colega futbolista Cristiano Ronaldo cu 218 miyon dollar. Esey ta inclui nan salario y tur otro suma cu nan ta gana den un aña. Forbes ta registra e 100 atletanan miho paga pa 3 decada caba. Segun e revista, solamente 7 otro atleta a yega e posicion # 1 banda di Tiger Woods cu a logra esaki 12 biaha. E top 100 ta inclui atletanan di 25 pais, y ta cubri 10 deporte. Hunto nan entrada ta yega 4 biyon dollar. Aña pasa Floyd Mayweather tabata # 1 cu 285 miyon dollar. Wak e lista completo AKI. 

  • Hulanda ta derota Inglatera 3-1 y pasa pa final di Nations League

    Hulanda ta derota Inglatera 3-1 y pasa pa final di Nations League

    AMSTERDAM – E ekipo di Hulanda a derota Inglatera diahuebs cu e score di 3-1 den tempo extra, den e Nations League Finals. E wega den tempo regular a caba 1-1, pero despues den tempo extra, rapidamente Hulanda a mustra superioridad y a hinca 2 goal mas. Door di e victoria di diahuebs, Hulanda ta hunga e final cu Portugal diadomingo awor. 

  • Liverpool ta titula campeon di Champions League

    Liverpool ta titula campeon di Champions League

    BARCELONA -  E ekipo di Liverpool a titula campeon di Champions League diasabra ganando cu score di 2 - 0 contra Tottenham. E wega a conoce un goal den e prome minutnan na bentaha di Liverpool pa medio di un penalty di Salah den e di 2 minuut di partido. Y Tottenham no a recupera mas. Faltando tres minuut pa e wega caba, Origi ta hinca e goal final. 

  • Aruba Bank Walk & Run 2019 a inicia den gran forma na San Nicolas

    Aruba Bank Walk & Run 2019 a inicia den gran forma na San Nicolas

    SAN NICOLAS – Cu mas di 2000 participante, sigur un di e asistencianan di mas grandi den e evento di Aruba Bank Walk & Run na San Nicolas ta un exito. Hopi hende mes a acudi riba e prome dia na e magno evento di canamemto y coremento. E ambiente tabata unico cu participantenan determina pa cana of core tur cuater dia.

  • Garage Cordia a sostene coredonan den Ronde van Aruba

    Garage Cordia a sostene coredonan den Ronde van Aruba

    (ADVERTORIAL)

  • Powered by SETAR