Fiesta Rotaria a resulta un biaha mas exitoso pa Rotary Club of Aruba

Fiesta Rotaria a resulta un biaha mas exitoso pa Rotary Club of Aruba

Posted on 04/1/2019 5:22 pm AST | Updated on 04/1/2019 5:22 pm AST

ORANJESTAD - Diadomingo 31 di maart a tuma lugar pa di 39 aña e popular Fiesta Rotaria organisa pa Rotary Club of Aruba. Mainta trempan un publico grandi tabata presente na e parking lot di Compleho Deportivo Guillermo Trinidad na Dakota. 

E aña aki un biaha mas tabata tin hopi producto, manera muebels, comestibel, mata, paña joyas y articulonan electronico na benta na prijsnan hopi atractivo. Ademas di esaki tabata tin hopi stand di bebida, por a cumpra BBQ y tambe differente snacks. Henter famia por a pasa full un dia na Fiesta Rotaria ja cu pa cada gusto tabata tin algo. A dedica un huki special pa nos muchanan cu differente wega nan popular i dino jumps. 

E publico presente por a disfruta parti mainta di diferente show di baile di Club di Movimiento, Pierewietje y Flash. Despues di merdia DJ BigRick i DJ101 a deleita e publico te banda di 6’or di atardi ku animashon di e MC nan Cherryldine  Buckley, Lenny Denz, Elsa Krozendijk y finalmente Ruben Garcia. Un danki inmenso ta bai pa nan tur cu a coopera cu e bon causa aki.

Na final di e Fiesta Rotaria a saca e numbernan ganador pa e rifa den presencia di notario. E aña aki pa solamente Afl. 25,- bo por gana un di e 12 tremendo premio nan. E numbernan ganador ta lo siguiente:

1st prize 2019 KIA Sportage LX - Ticket: 09282

2nd prize All-in Cruise for 2 saliendo di Miami di Maduro Travel - Ticket: 05510

3rd prize 2 ticket Aruba –Amsterdam – Aruba cu KLM - Ticket: 04980

4th prize 50’ TCL Smart 4K LED TV di AMC Unicon - TIcket: 04847

5th prize iPhone XR, 64GB factory unlocked di Boolchand’s - Ticket: 05508

6th prize Afl. 1.500,- gift certificate di Kooyman - Ticket: 10133

7th prize Afl. 1.500,- Kompa Leon CMB Money Card - Ticket: 01194

8th prize Afl. 1.500,- gift certificate di Boolchand’s - Ticket: 08670

9th prize Afl. 1.000,- gift certificate di Ling & Sons - Ticket: 01966

10th prize Two-day weekend stay for 2 at Divi Resort Aruba - Ticket: 06241

11th prize Acme Arcadia Recliner di Hagemeyer - Ticket: 12172

12th prize Afl. 750,- gift certificate di Pearl Gems - Ticket: 11920

Masha pabien na tur ganador cu den e siguiente dianan lo wordo aserca pa por entrega e premionan. Y hopi danki na tur esnan cu a aporta na Fiesta Rotaria sea cu a bin bishita nos of cumpra rifa. Nos ta conta cu bo(so) contribucion atrobe otro aña, asina President Edsel Lopez a comenta.

Rotary Club of Aruba kier a gradici tur su miembronan, Rotaractors, Interactors, boluntarionan y sponsors pa hasi Fiesta Rotaria y e rifa posibel un biaha mas.

 

  • América Daryanani-Barrios: Prome presidente femenino di Rotary Club of Aruba

    América Daryanani-Barrios: Prome presidente femenino di Rotary Club of Aruba

    ORANJESTAD - Diasabra anochi Rotary Club of Aruba a presenta nan directiva 2019-2020. Durante un anochi ameno den Alhambra Ballroom e publico presente a sera conoci cu e miembronan di e directiva nobo. E anochi aki tabata sumamente special ja cu ta pa prome biaha ta instala un presidente femenino. América Barrios ta forma parti di Rotary Club of Aruba desde 2011. América a keda apunta come e presidente 2019-2020 y e miembronan di e directiva a keda como lo sigiente: Emilie Arends (secretaria), Walter Mosher (tesorero), Edsel Lopez (presidente saliente), Geert Rep (vice presidente), Rubiela Lampe-Chiquito (relacionista publico), Milton van Brussel (miembrecia), Orlando Hoevertsz (projectonan), Diego Acevedo (Fundacion Rotary International) y Liesbeth Keppel (sergeant at arms).

  • Fundacion Sea Bunita Sea Bo Mes Fashion Show 2019 un exito completo

    Fundacion Sea Bunita Sea Bo Mes Fashion Show 2019 un exito completo

    ORANJESTAD - Fundacion Sea Bunita Sea Bo Mes Fashion Show 2019 a resulta di ta un exito completo, diasabra ultimo den un Renaissance Convention Center completamente yen, na unda nos muchanan special a briya hunto cu nan celebridadnan riba escenario. Tur cos a cuminsa pa banda di 7.15pm na unda nos Prome Minister Evelyn Wever-Croes a habri desfile di e tapijt cora hunto cu su modelo special Johnisha Medina realisando su soño di wordo acompaña pa nos Prome Minister di Aruba. Asina tambe tur nos modelonan special a pasa ariba tapijt cora desfilando pa e gran show. Un bon show cu un bon programa hinca den otro cu di principio te final a luci fantastico. Mester bisa cu nos muchanan, hobennan y adultonan special a gosa y briya asina special ariba e escenario. Esaki nos por a tuma nota cu nan expresion di cara y cu un smile asina grandi transmitiendo e alegria cu ta brota di nan curazon. Palabranan di elogio pa e motornan tras di Fundacion Sea Bunita Sea Bo Mes cu ta sr. Hans y sra. Marienela Geerman cu a traha incansablemente pa logra e di 4 aña di e sublime show aki. Un pabien na e mayornan di tur nos dushi muchanan y hobennan special cu a yuda y laga nan yiu participa y na un y tur cu di un manera of otro a contribui pa haci e show aki exitoso.

  • Kiwanis Club Aruba y New India Assurance a lansa video nobo Don’t Text & Drive

    Kiwanis Club Aruba y New India Assurance a lansa video nobo Don’t Text & Drive

    ORANJESTAD - Kiwanis Club of Aruba y New India Assurance a lansa diaranson mainta dia 5 di juni e segundo video di e proyecto “DON’T TEXT & DRIVE”. E prome video a keda presenta den luna di februari, cu Korpschef di politiekorps, Sr. Andrew Hoo. E Presidente di Kiwanis Club of Aruba, Edalitza Weller,  durante e conferencia di prensa a elabora cu ya pa mas di 30 aña Kiwanis Club of Aruba tin diferente proyecto pa conscientisacion di siguridad den trafico na Aruba. Miembro di Kiwanis Club of Aruba y alabes “Chair” di Traffic Awareness Committee, Jo-Anne Arends y Kaveri Raghunath, Managing Director di New India Assurance a splica tocante e video aki.

  • 840 voluntario a participa den AHATA su limpiesa di costa

    840 voluntario a participa den AHATA su limpiesa di costa

    ORANJESTAD - Aruba Hotel & Tourism Association (AHATA) a organisa e di 18 edicion anual di limpiesa di costanan rond di Aruba. Esaki tabata na honor di Dia Mundial di Medio Ambiente y Dia Mundial di Oceano. A conta cu participacion di companianan miembro di e asociacion, diferente scol, y individualnan cu a bini hunto pa yuda haci limpi na un total di 14 area. 

  • Fundacion Bernadina cu e di 7 festival di canto diasabra awor na Brazil

    Fundacion Bernadina cu e di 7 festival di canto diasabra awor na Brazil

    BRAZIL - Miembronan di fundacion Bernadina Growell-Kock a invita un y tur pa e di 7 Festival di canto dedica na mama di Cultura Bernadina Growell-Kock recientemente. Representante di e fundacion Mervin Ras a trece padilanti cu e festival lo tuma lugar diasabra awor dia 8 di juni venidero anochi di 8pm-1 or am den Centro di Bario Brazil. 

  • S.A.B.A. Oranjestad y Rotaract Club a presenta un show di moda

     S.A.B.A. Oranjestad y Rotaract Club a presenta un show di moda

    ORANJESTAD - En connexion cu  celebracion di dia di Mama, Stichting Algemene Bejaardenzorg Aruba y Rotaract Club of Aruba a percura pa un anochi diferente y dibertido pa e habitantenan di S.A.B.A. Oranjestad. 

  • Powered by SETAR