CFT a conseha RMR awe pa duna Corsou un ‘aanwijzing’

CFT a conseha RMR awe pa duna Corsou un ‘aanwijzing’

Posted on 04/1/2019 4:38 pm AST | Updated on 04/1/2019 4:41 pm AST

 WILLEMSTAD – Awe, dialuna dia 1e. di april, Colegio di supervision financiero (Cft) a conseha Conseho di Ministro di Reino pa duna Corsou un instruccion (aanwijzing)  pa balansa e gastonan y e entradanan pa mas aña den presupuesto. Asina e colegio a laga sa den un comunicado dialuna. 

E entradanan y e gastonan di Pais Corsou no ta den balans y e maneho financiero no ta na ordo. A cera aña presupuestario 2017 cu un deficit di ANG 116,8 miyon y e deficit provisional den 2018 ta monta na ANG 52,7 miyon. Ya for di aña 2016 Cft ta expresando su preocupacion tocante e situacion financiero di Corsou. Al respecto Cft ta señala calculacion di entrada demasiado optimista, deficiencia den e maneho financiero y un falta di disciplina presupuestario, cu ta haci cu e gastonan no ta keda denter di e limitenan di e presupuesto.

Tambe pa e presupuesto di 2019 tin un menasa di un deficit (substancial) di aproximadamente ANG 100 miyon e biaha aki. A pesar di algun medida significativo cu Pais Corsou kier introduci entrante dia 1e. di juli proximo, pa di tres aña consecutivo lo no cumpli cu e norma legal di un servicio ordinario balansa. Mester di mas cu solamente e medidanan ya anuncia pa balansa e entradanan y e gastonan di e pais. Mester cambia rumbo!

Cft ta consciente cu e tarea di Corsou ta considerabel, pero reforma structural ta inevitabel. Reforma structural ta necesario pa garantisa continuidad di e previsionnan colectivo y pa crea e espacio necesario pa compensa e deficitnan ey for di otro aña y pa yega na inversion adicional, entre otro den enseñansa y educacion. Si laga e deficitnan sigui crece, esey lo nifica cu e debe publico lo sigui aumenta y lo transferie pa e generacionnan futuro. 

Fortalecemento di economia di Corsou ta rekeri principalmente inversion priva. Un condicion basico necesario pa esey ta un maneho sostenibel y sano di finansa publico. Di pursi cu inversionista priva kier limita nan riesgonan y kier por confia riba stabilidad y calidad di e aparato gubernamental y administrativo di e pais. Tambe den esey lo mester avansa den e proximo añanan. 

Teniendo cuenta cu loke a menciona anteriormente, Cft a dicidi di conseha Conseho di Ministro di Reino pa duna Gobierno di Corsou un instruccion. Ta keda na Conseho di Ministro di Reino pa dicidi si lo duna e instruccion y, den caso afirmativo, cua lo ta su contenido exacto. Prome cu duna e instruccion, ta duna Gobierno di Corsou e oportunidad pa duna su opinion al respecto. 

  • Aspirantnan di CURMIL y ARUMIL ta conclui na Fort Amsterdam

    Aspirantnan di CURMIL y ARUMIL ta conclui na Fort Amsterdam

    WILLEMSTAD - Cu un aplauso fuerte  i discursonan di Promé Minister Rhuggenaath, Comandante Suplente di Forsanan Naval den Region Caribe, Colonel (KLTZ)  Jan Willem Boone y Mayor di Marina Real Christ van Dinteren, e Cursonan Basico di Milisia di Corsou y di Aruba a keda clausura. Nan a finalisa e siman aki e ehersicionan final, cu ta ser yama ‘final exercise (FINEX)’.

  • Corte a duna ex vocero OM Corsou mas castigo cu loke a pidi p’e

    Corte a duna ex vocero OM Corsou mas castigo cu loke a pidi p’e

    WILLEMSTAD – Corte di prome instancia na Corsou a sentencia ex vocero di Ministerio Publico di Corsou y St Maarten Norman Serphos na un castigo mas halto di loke cu OM mes a pidi dialuna. Serphos a haya un castigo di 40 ora di trabou comunitario incondicional y 20 dia di prison si e no cumpli cu e trabou manera debe ser. E demanda di OM tabata 60 dia di trabou comunitario condicional y un periodo di prison di 30 dia si e no cumpli. 

  • Fiscal a pidi 60 ora di trabou comunitario pa ex vocero di OM na Corsou

    Fiscal a pidi 60 ora di trabou comunitario pa ex vocero di OM na Corsou

    WILLEMSTAD – Fiscal na Corsou a pidi 60 ora di trabou comunitario pa ex vocero di ministerio publico Norman Serphos. Serphos ta sospechoso den caso di denuncio falso, cu ta un acto castigabel pa ley. E caso a keda trata pa un fiscal di Aruba, pa sigura trato imparcial mirando cu ta trata di algo di Ministerio Publico mes di Corsou. E huez tabata di Corsou, pero uno relativamente nobo (el a cuminsa traha na Corsou na December ultimo y no conoce Serphos) pues por a considera cu e por ta imparcial. 

  • Huez y fiscal for di Aruba lo trata caso contra ex vocero OM otro siman

    Huez y fiscal for di Aruba lo trata caso contra ex vocero OM otro siman

    WILLEMSTAD – E caso penal contra di ex vocero di ministerio publico di Corsou y St Maarten, Norman Serphos ta bin dilanti dialuna awor, 1 di april na Corsou. Serphos ta wordo sospecha di a haci denuncia falso na polis aña pasa relaciona cu un posting riba su pagina di Facebook. Un denuncia falso asina ta un hecho castigabel pa ley. Loke ta haci e caso aki interesante, ta cu debi na e cercania di e persona cu ley, e proceso completo lo ta den man di Aruba. Esey ta nifica un huez y fiscal for di Aruba lo trata e caso aki den corte na Corsou, manera cu vocero di ministerio publico di Aruba Ann Angela a confirma pa NoticiaCla diamars mainta. 

  • Pa fin di mei, operador ta kita nomber di Hilton di edificio na Corsou   

    Pa fin di mei, operador ta kita nomber di Hilton di edificio na Corsou   

    WILLEMSTAD – Pa fin di mei, e nomber di e frankisia Hilton na Corsou, mester ta kita di e edificio hotelero. Asina NoticiaCla a compronde diamars mainta. Despues di hopi discussion entre e doñonan di e propiedad, (Lowenstein, cu ta e mesun doñonan di Holiday Inn na Aruba), e portal aki a compronde cu a yega na un acuerdo cu ta kita e nomber di Hilton, fin di mei pa asina cambia esaki pa un otro operador, posiblemente A&M Resorts. Hecho ta cu e nomber Hilton riba e edificio lo pasa pa pasado. Pero no ta cu e hotel lo cera su porta manera cu ta wordo indica. Potret cortesia TripAdvisor

  • Periodista Yves Cooper a recobra su libertad diabierna atardi

    Periodista Yves Cooper a recobra su libertad diabierna atardi

    WILLEMSTAD - Awe merdia, e periodista conoci Yves Cooper a recobra su libertad despues di tabata deteni dos dia pa menasa na un ciudadano. Su abogado Sheldry Osepa a buske diabierna atardi, despues cu Huez Comisario a autorisa su salida.  

  • Powered by SETAR