Deal multimiyonario pa Xander Bogaerts a keda firma awe!

Posted on 04/1/2019 3:11 pm AST | Updated on 04/1/2019 3:15 pm AST

OAKLAND – E deal multi miyonario cu a keda anuncia entre e ekipo di baseball professional Boston Red Sox y Xander Bogaerts diadomingo anochi, ta official!’. “Red Sox awe a firma shortstop Xander Bogaerts pa un extension di contract di 6 aña cu ta cubri temporada 2020 pa 2025, cu un opcion pa temporada 2026”, tabata riba e twitter account di Boston Red Sox dialuna merdia. E intencion ta pa e ekipo tene un conferencia di prensa 6:30pm awe dialuna atardi. Cu esaki, den un solo tiro, Bogaerts ta bira e shortstop actual miho paga di Baseball Grandes Ligas, y e deportista professional miho paga den Reino Hulandes. E deal ta balora na 120 miyon dollar den 5 aña, plus e 12 miyon e aña aki, pues 132 miyon dollar den 7 aña y posiblemente 20 miyon pa 2026. Mira e video AKI. 

 

  • Countdown pa e prome ABC Windsurfing Championship

    Countdown pa e prome ABC Windsurfing Championship

    ORANJESTAD - Na luna di Mei venidero un serie di evento di windsurfing lo tuma lugar riba islanan den Dutch Caribbean: Aruba, Bonaire y Curacao. E IFCA ABC Tour Dutch Caribbean Championships ta un evento yena di passion y expectativa pa fanaticonan di windsurfing riba e islanan como tambe competidornan di rond mundo. IFCA ta significa International Funboard Class Association, e lider den World Sailing Class Association pa tur nivel di windsurfer Professional of Amateur. 

  • Ajax ta elimina Juventus y ta bay semifinal di Champions League

    Ajax ta elimina Juventus y ta bay semifinal di Champions League

    TURIN – E ekipo di futbol Hulandes Ajax a clasifica pa prome biaha den 22 aña pa e semifinal di Champions League. E ekipo di Amsterdam a elimina Juventus cu un wega interesante di 2-1 na Turin diamars merdia (ora di Aruba). E wega siman pasa diamars na Hulanda a termina den un empate 1-1 cu tabata suficiente pa Ajax. Den e wega awe, e astro Cristian Ronaldo tabatin e unico goal pa su ekipo Juventus, pero a haya un carchi hel net prome cu e pitazo final. Donny van den Beek a empata e wega y despues Matthijs de Ligt a duna su ekipo e victoria. Ultimo biaha cu Ajax tabata den semifinal tabata na 1997. Sea Manchester City of Tottenham Hotspur ta bira e contrincante di Ajax dia 30 di april/1 mei y 7/8 di mei. 

  • Hoben futbolista di Aruba Jayroy Aparicio ta keda cu Feyenoord

    Hoben futbolista di Aruba Jayroy Aparicio ta keda cu Feyenoord

    ROTTERDAM - Awe 16 di April, tabata e dia di evaluacion final di E U8 di Feyenoord, den cual e hoben Arubano, Jayroy Aparicio ta militando aden. Jayroy a drenta como U7 den Feyenoord cu apenas 6 aña den e temporada 2017/2018. A pasa pa U8 den e temporada aki. Y awe diamars ta haya e grato noticia cu ta pasa pa e temporada nobo 2019/2020 cual ta cuminsa na augustus 2019 pa U9 cual lo bira su di tres temporada cu e gigantenan di Feyenoord, Rotterdam. Diasabra awo Jayroy lo ta participando den un Torneo grandi na Belgica, Crossing Cup Brussel 2019. Anja pasa Feyenoord y Jayroy a gana e torneo aki Como U7, e biaha aki lo nan participa como U8. Ta bay tin team nan grandi ta participa den e torneo manera Barcelona, Atletico Madrid, Manchester City, Roma asina nos por menshona hopi mas.

  • Sarah Quita Offringa ta gana prome competencia Freestyle PWA na Bonaire

    Sarah Quita Offringa ta gana prome competencia Freestyle PWA na Bonaire

    KRALENDIJK - Nos orguyo Sarah Quita Offringa ta logra gana e prome competencia di freestyle windsurf den e PWA World Tour na Boneiro. Sarah Quita sin duda a conoce un tremendo dianan di competencia na nos isla ruman di Boneiro.

  • Ethan de Cuba oficialmente a acepta oferta di Kansas City Royals

    Ethan de Cuba oficialmente a acepta oferta di Kansas City Royals

    ORANJESTAD - Despues di a ricibi varios oferta di MLB Teams, awe Ethan de Cuba a acepta officialmente e oferta di Kansas City Royals. Ethan ta profila como e miho prospecto di Aruba pa 2019 y awor lo sigi cosecha exito cu Kansas City despues cu e firma na Juli proximo cu Edson Kelly, scout di Kansas City pa Aruba, kende por cierto a firma Cal Maduro aña pasa tambe. Mester menciona cu Rene Francisco, Assistant General Manager di Kansas City Royals a forma parti di negoshacion y oferta pa asina sigura cu Ethan lo opta pa hunga cu Kansas City.

  • Bestial dogwalk & Bestial kids Race patronisa pa Pro plan ta cla pa ranka sali

    Bestial dogwalk & Bestial kids Race patronisa pa Pro plan ta cla pa ranka sali

    ORANJESTAD - Esaki lo ta 11 aña cu e evento lo tuma lugar. Mirando back e aña nan atras e no tabata un evento facil. Na e momento cu  Shohaira Barnes da Silva a bin cu e idea. Hopi hende tabata tin miedo cu e cachonan lo ataka otro of lo morde hende. Awe e ta e evento di cacho mas grandi di Aruba. E anja aki e evento ta promete pa bira mas grandi ainda. Pa 4 or di Atardi. Muchanan for di 4 aña por patricipa den e Bestial kids Race cu ta patronisa pa Kraft, Johnson&Johnson, Crest como Oral B. Healthy kids dus! Cada mucha uniforma den e special T-shirt por participa den nan categoria sin cacho y nan propio distancia. Na final tur mucha cu participa lo haya nan finishers medal. Goody bag como kraft punchers pa refresca. Prome cu e race e muchanan cu ta desea por haya nan body or face tatoe. Tambe lo tin dino jump pa entretene esnan presente. Pa 6pm lo ranka sali cu e categoria di e dog walk. Aki lo bay wak si Julian lo logra mantene su titulo cu su cacho cu porcierto ta adopta for di Shelter. E evento lo ta 5 di mei pa 4 or di atardi na Linear park!

  • Powered by SETAR