IMF: Economia di Aruba ta recuperando poco poco

NEW YORK – Fondo monetario Internacional (IMF) ta positivo riba e actividad economico di Aruba y ta mira e panorama ampliamente positivo. Asina e instancia financiero ta bisa dialuna den nan ultimo rapport riba nan bishita pa Aruba. Ta trata di e asina yama ‘article IV statement”. Esaki ta e declaracion conclusive pa describi e resultadonan preliminario di IMF na final di nan bishita official na un pais, den e caso aki Aruba. Prome minister di Aruba Evelyn Wever Croes hunto cu su  gabinete complete no a perde tempo y mesora dialuna mainta a presenta esaki den un conferencia di prensa dialuna mainta mes. 

ACTIVIDAD ECONOMICO

Segun IMF pues, e actividad economico di Aruba ta recuperando poco poco y e panorama ta ampliamente positivo. Nan ta considera e plan fiscal consolida na caminda como uno ambicioso, y a haci un bon progeso riba e reforma fiscal. “Nan ta encurasahsa pa sostene un momentum di reforma pa logra  metanan cu nan a pone y pa baha e debe public”. Mes momento a stipula prioridadnan cu ta inclui buffers di reserve y salvaguardia stabilidad financiero. Tambe mester elimina impedimento structural y cambia esaki pa crecemento sostenibel y inclusive. Lesa e rapport completo AKI.