Organisacion WTRO lo ta na Aruba pa controla calidad di rotonde

GENEVA – E organisacion mundial cu ta vigila trafico mundialmente, cu specialidad riba rotonde, lo bishita Aruba e siman aki pa pone nan mes na altura di e calidad di rotonde cu tin. Despues di a tuma nota di varios critica internacional di turista y ciudadanonan, nan a dicidi di bishita Aruba y reuni cu autoridad responsible pa construccion di e rotondenan. Dos representante techico di World Traffic Roundabout Organization WTRO, Wolfgang Kruetzberg y Britt Möbig lo bishita Aruba entrante diaranson y pone nan mes na altura di e situacion. Lo analisa e structura y calidad di e rotondenan y si nan ubicacion ta cuadra cu normanan internacional. E fin di siman aki tabatin otro accidente serio riba un rotonde nobo, y ta premira cu esaki lo no ta e ultimo.