Autoridad man na cabez cu bishitante ‘ilegal’ diferente na Aruba

SAN NICOLAS – Desde ayera, Aruba a haya un bishitante ‘ilegal’ nobo, di Venezuela. E diferencia ta cu e biaha aki no ta un ‘ser humano’, sino un elefante baby. Informacion cu NoticiaCla tin, ta cu ta trata di un elefante cu a wordo trafica hunto cu un grupo di Venezolano cu a yega Aruba supuestamente di forma clandestino. E ta den un cura di un famia noble na Santa Fuego na Butiki pafo di San Nicolas. For di departamento official di gobierno, a compronde cu e elefante baby cu tin e nomber elfrin, ta den cuarantena, pa dos siman, mientras cu departamentonan concerni ta pensa kico pa haci cu ne. No ta prome biaha cu algo asina ta sosode, ya cu algun tempo pasa, un grupo di bestia exotico a yega for di Venezuela, y despues di un periodo, a wordo manda bek.