Joran vd Sloot hinca seriamente den prison na Peru

LIMA - Joran van der Sloot a wordo hinca den e prison Challapalca na Peru. Su abogado a confirma esaki dialuna mainta. E abogado, Máximo Altez, a bisa prensa hulandes dialuna cu vd Sloot ta interna den e hospital di e prison. Loke cu segun e abogado, e prizoneronan kier logra cu e acto aki, ta pa nan sera e prison. Siendo e unico stranhero den e prison, su eventual morto, lo por resulta den un escandalo. Segun e raportahe di prensa hulandes, vd Sloot lo a haya dos hinca na su curpa. Uno den su schouder y e otro den su stoma. Mientrastanto investigacion a inicia riba e incidente aki. E abogado ta sigura cu e heridanan ta por lo menos 2 centimeter hundo.

Tabata algun tempo atras, cu vd Sloot a keda traslada pa e prison notorio, y na dado occasion a drenta un welga di hamber como protesta. E prison no ta uno mucho popular y tambe su trato tambe ta basta bruto. E condicion y localidad di e prison no ta esun mas popular y prominente. Na un haltura di 5000 meter halto den e zona fronterizo cu Bolivia, e ta topico di discusion continuo. Joran ta sinta un castigo di 28 anja di prison pa asesinato di Stephanie Flores na mei di 2010.