Corantnan Hulandes a cubri Arubadag Festival 2019

Posted on 03/28/2019 11:31 am AST | Updated on 03/28/2019 11:32 am AST

DEN HAAG  – Arubadag Festival 2019 tambe a capta atencion di diferente medionan di comunicacion Hulandes. E corant AD Rotterdams Dagblad a manda un reportero y fotografo special pa haci cobertu-ra di Arubadag Festival na Ahoy.

Dijlan van Vlimmeren a duna un impresion di e dia, tanto riba tereno musical, tur e standsnan di cumindanan crioyo cu a wordo bendi y principalmente a decribi e ambiente cu tabata reina den Ahoy. E lesador di AD Rotterdams Dagblad despues di a lesa e articulo a haya un bista di nos cultura y kico ta haci nos Arubano.

De Telegraaf a scirbi un articulo riba e hecho cu e conocido dj di radio Funx Fernando Halman a haya un reconocimento durante Arubadag Festival for di man di Minister Plenipotenciario Guillfred Besaril. Den un combersacion cu De Telegraaf minister Besaril a splica cu desde aña pasa Gobierno di Aruba ta duna reconocimento na Arubanonan na Hulanda cu a destaca y asina na un manera special ta duna nan e atencion cu nan merece.

Riba e website di Radio Funx tambe nan a pone un articulo riba e reconocimento di Fernando Hal-man door di Gobierno di Aruba.

Mirando cu De Telegraaf, como e corant mas lesa na Hulanda, y tambe AD Rotterdams Dagblad a haci publicacionnan riba Arubadag Festival, segun minister Plenipotenciario di Aruba na Hulanda Guilfred Besaril, ta demostra cu e promocion pa Arubadag Festival a duna fruta  

 

 

  • Lila Henriquez: Un uitspraak devastador pa nos famia

    Lila Henriquez: Un uitspraak devastador pa nos famia

    DEN HAAG – “Un uitspraak sumamente devastador pa nos famia” Asina ruman muher di Mitch Henriquez, esta Lila Henriquez a reacciona diaranson mainta pa NoticiaCla riba e sentencia den Corte di apelacion. Manera cu e portal aki a raporta caba awe mainta tempran, hueznan a absolve un di e polisnan envolvi y a duna e otro 6 luna di castigo di prison condicional. Un sentencia pues cu no a cay bon den seno di famia Henriquez. 

  • Polis absolvi y otro sentencia den caso Mitch Henriquez

    Polis absolvi y otro sentencia den caso Mitch Henriquez

    DEN HAAG - Un polis a haya absolucion total y e otro castigo condicional di prizon di 6 luna den caso di morto di e Arubiano Mitch Henriquez na 2015. Asina Corte di apelacion a dicta na Hulanda diaranson mainta. Ambos polis a apela nan sentencia anterior. E agente sentencia ta esun cu a gara Henriquez den su garganta durante su detencion despues di un concierto. Henriquez a fayece despues di su detencion y tabata sospecha maltrato di polis durante e detencion, como motibo di su morto. Fiscal a exigi castigo di prizon condicional pa ambos polis envolvi, cu expulsion di cuerpo di polis pa un periodo di dos aña. Corte a bisa cu nan no ta haya nan mes den e parti di expulsion for di cuerpo. 

  • RMR no a duna Corsou aanwijzing sino mas tempo

    RMR no a duna Corsou aanwijzing sino mas tempo

    DEN HAAG – Corsou no a haya instruccion (aanwijzing) for di Rijksministerraad, y a haya tres siman tempo pa logra un solucion. Durante e RMR di dia 5 di juli proximo, e decision final ta cay. Asina RMR a dicidi diabierna mainta na Den Haag. Secretario di estado Hulandes Raymond Knops a bisa cu Den Haag y Willemstad ta papiando algun tempo caba pa stimula e economia y pa logra trece reforma riba pia. “E combersacionan aki nos lo sigui tene y ta bay traha y concretisa e acuerdo di cooperacion” Knops a bisa N.O.S. 

  • Delegacion di gobierno di Corsou a yega Hulanda pa bringa aanwijzing

    Delegacion di gobierno di Corsou a yega Hulanda pa bringa aanwijzing

    DEN HAAG – Ministernan di Corsou Rhuggenaath, Gijsbertha y Römer a yega Hulanda diahuebs mainta, pa cuminsa cu nan ronda di combersacion cu gobierno Hulandes, prome cu nan presenta den e reunion di Rijksminister Raad di diabierna proximo. Durante e reunion ey, RMR lo tin cu dicidi si Corsou ta haya un instruccion (aanwijzing) riba e problemanan financiero di Corsou. Gobierno siman pasa a anuncia cu debi cu Hulanda a anuncia cu e instruccion lo ta riba agenda pa e siman aki, nan no ta wak motibo pa sigui cu e biahe. Sinembargo parlamento a pasa un mocion pa urgi gobierno biaha toch y bringa nan caso personalmente. Diaranson gobierno a anuncia e ora cu nan lo biaha toch diaranson anochi mes. Potret cortesia Rick Hart 

  • NRC: Samira Rafaela ta drenta Parlamento Europeo toch

    NRC: Samira Rafaela ta drenta  Parlamento Europeo toch

    DEN HAAG – Parse cu na final di dia, toch e candidato di D66 Samira Rafaela ta haya asiento pa por drenta Parlamento Europeo. Asina e portal Hulandes NRC ta raporta diamars. Rafaela ta un di e tres damanan cu ta logra esaki debi na nan votonan di preferencia (voorkeurstemmen). Nan a haya asina hopi voto preferencial cu nan a logra. Fuera di Rafaela, tin  Liesje Schreinemacher (VVD) y Kim van Sparrentak (GroenLinks). Cu esaki, segun e portal, e percentahe di e hende muher den delegacion Hulandes den Parlamento Europeo ta subi di 34.6 pa 46.2. Entre e 26 parlamentarionan Europeo, lo tin 12 dama.  

  • Welga na Hulanda tin transporte publico practicamente paralisa

    Welga na Hulanda tin transporte publico practicamente paralisa

    AMSTERDAM – Transporte publico na Hulanda ta practicamente paralisa diamars, debi na un welga cu tin. E paro ta nifica cu practicamente no tin bus, metro trein y tram den henter e pais. Un jamada pa no bin e stationan di trein a duna resultado ya cu nan ta practicamente bashi. E personal di transporte publico ta protesta pa miho pension. Huez mientrastanto a prohibi pa tin welga den area di e aeropuerto principal esta Schiphol. Consecuentemente tin mucho mas auto riba caminda pa e aeropuerto, ya cu esaki ta e unico forma pa yega for di ciudad. Debi na e welga, tin 3 pa 4 biaha mas auto yegando e aeropuerto. 

  • Powered by SETAR