Prizonero “Nuto” Wawoe traslada di St Maarten pa prison na Hulanda

PHILLIPSBURG – E lider notorio di e banda di No Limits Gang di Corsou, Urwin “Nuto” Wawoe a keda traslada diadomingo pa Hulanda, pa motibonan di seguridad. Segun informacion ricibi for di e isla, e no tabata responsible mas pa tene Wawoe den e prison na Point Blanche, y como tal a opta pa traslade pa Hulanda. .

Manera ta conoci, Wawoe tabata un blanco recientemente di intento di asesinato den e prison mes door di un otro prizonero, Richardson. Loke lo a ‘scapa’ Wawoe, ta cu e arma a faya (jam) cu a pone cu e arma no a tira. Nuto, ta wordo sospecha di ta vincula cu e asesinato di defunto lider di partido Pueblo Soberano, Helmin Wiels. Richardson mes, a keda transferi recientemente pa Hulanda tambe, y ta spera cu awor trankilidad bolbe na e prison na Point Blanche. Foto di e transferencia di e prizonero ta cortesia di St Maarten Island Times.