DIMP: Tin 11.993 number di auto cu no tin nada paga pa 2019

ORANJESTAD – Un total di 11.993 number di auto no tin nada paga ainda pa 2019. Asina director di departamento di impuesto Luenne Gomez a bisa durante un conferencia di prensa diaranson atardi. Esaki ta 14% di e totalidad di numbernan di auto registra na Aruba. Gomez ta considera esaki hopi ainda. Di otro banda, 49.809 number di auto si ta full paga, esta aña 2019 completo, cu ta 57%. Un total di 1977 plachi ta mitar aña paga, cu ta 27%. Pues, esey kier men cu 84% di tur number di auto registra, tin algo paga, sea mitar of full aña. Tambe tin 2% di plachi cu a keda entrega ya cu no ta usa nan mas, cu ta 2086. Hunto, esta 84%+ 14+ 2% ta bira total 100% di e numbernan registra.