No por pone trailer mas riba Eagle Beach pa campamento

ORANJESTAD - No por pone trailer mas riba Eagle Beach pa e periodo di campamento. Asina personal di Dienst Openbare Werken (DOW) a bisa diaranson durante un conferencia di prensa. E ta algo cu NoticiaCla a trece parcialmente den pasado caba, pero no den detayes.  DOW tambe a bin ta anuncia cu durante temporada di campamento construccionnan relaciona cu e proyecto di Watty Vos Blvd lo ta tumando luga riba Juancho Irausquin BLVD, specificamente area di Eagle Beach. 

NO MAS TRAILER 

Eagle beach lo keda accesibel durante campamento y den futuro pa persona cu ta campa. Mester menciona si cu no lo por bin cu trailer riba Eagle Beach mas encuadro cu e maneho nobo. E parti cu no lo ta accessibel mas pa vehiculo staciona cerca di beach, pero si por sigui campa, lo ta e area cerca di Costa Linda Beach Resort. E area eynan lo bin un parkeerplaats y zitplaats.

ROTONDE KEDANDO CLA 

Tambe nos kier a menciona cu rotonde banda di Amsterdam Manor ta kedando cla y manera e rotonde aki keda cla, e contratista lo cuminsa cu e rotonde banda di Oceania Hotel. DOW ta spera cu nan a aclarea e situacion di campamento y cu Eagle Beach ta keda accesibel pa campamento, pero no ta permiti trailer mas riba beach. Ariba e potret por mira con e area banda di Costa Linda Beach Resort lo bini.