Arubiano acusa di mata su yiu na Merca, ta encarcela awor

NICEVILLE -  E homber Arubiano acusa di a mata su propio yiu di 3 aña y djey purba comete suicidio, a sali di hospital y a keda deteni diamars. Asina e oficina di polis di condado di Okaloosa a bisa. Ta trata di e homber Frederick F. (61), cu dia 15 di maart ultimo a hinca su yiu mata cu un cuchiu, y despues pasa e cuchiu pa su mes. E detective cu ta riba e caso, a bisa cu e yiu tabatin varios hinca di cuchiu riba su curpa, y cu e homber F. mes tabatin varios herida cu e ora cu el a propina su mes.  E mama, tambe un Arubiano, Darrelly F., a descubri e homber y e yiu den e cas ora cu el a bolbe di trabou. E mama ta un tecnico di arma riba e base military Eglin den e condado. E dama tabatin problema matrimonial y a pidi e homber divorcio algun tempo atras. Diadomingo ultimo a dera e yiu. NoticiaCla tabatin contacto breve cu e mama, siman pasa pero no kier a duna detayes di e caso. Pa loke ta e homber, el a recupera suficiente cu e por a bandona hospital, y awor ta den un prison den condado di Okaloosa, riba sospecho di asesinato relaciona cu violencia domestic. Potret cortesia fox10tv.com