Defensa Hulandes a demonstra intercepcion di gofast cu droga cu uso di helicopter

ORANJESTAD – Un accion cu nos ta tende hopi di dje ta ora cu Warda Costa y Marina Real intercepta un cargacion di droga riba laman. Semper ta haya potret di dje, of un relato pero hopi no ta experencia esaki personalmente. Durante e dia tematico di Defensa Hulandes riba e bapor di patruya Ms Zeeland dialuna ultimo, a demonstra esaki tambe. Specificamente con nan ta detecta un embarcamento di droga riba laman. Loke nan a haci ta simula usando un asina yama ‘go fast’ cu dos persona a bordo, unda cu e helicopter ta intercepta e boto, pone nan para, y ta manda un boto military pa intercepta y detene esnan abordo. E tabata un despliege fascinante di accion cu tur hende presente por a mira den e parti final di e bapor.