Ainda tin Arubiano pega na Venezuela segun gobierno

ORANJESTAD – Ainda tin Arubiano pega na Venezuela. Asina prome minister Evelyn Wever Croes a bisa dialuna den un conferencia di prensa. Frontera ta sigui cera, y mucho no a cambia. “Nos sa di ainda algun hende cu no tabata kier of por a bin e prome biaha cu nos a manda buelo pa busca nan. Aworaki nan mester weita con nan por yega aki nan” Wever a bisa. Manera ta conoci, algun siman pasa ora cu Venezuela a cera frontera, varios Arubiano a keda pega, y a logra ‘deal’ cu Venezuela pa habri esaki temporalmente cu permit special pa laga Venezolanonan pega na Aruba, bolbe Venezuela, y esnan di Aruba pega na Venezolano, bolbe Aruba. Pero parse awor cu no tur hende a haci uso di esaki y ainda nan ta pega.