Victima di accidente na Catiri a bira di tres morto den trafico

ORANJESTAD - E peaton cu auto a alcansa diabierna anochi 22 maart na  altura di Reality Supermarket na Catiri a fayece. Asina vocero suplente di polis Liliana Rasmijn a confirma diadomingo mainta.  Cuerpo policial a wordo informa cu pa 8or di mainta dr Teerick a constata morto di Arthur Richard Dijkhoff naci na Aruba 27 -01-1961.   

E ACCIDENTE

Tabata diabierna anochi  pa 8:28 cu central di polis a wordo notifica cu un auto a caba di alcansa un peaton na altura di Reality Supermarket na Catiri. Na yegada di e patruya di polis a bin topa cu e peaton gravemente riba caminda y a pidi pa ambulance di biaha. Ambulance a yega na e sitio di e sucedido a trata e victima y stabilise y bay cune cu urgencia pa hospital. Specialista di trafico a presenta na e sitio tambe polis technico pa haci nan investigacion. 

Segun polis, probablemente e peaton a crusa caminda sin a wak e Hyundia Getz shinishi numera A-64055] biniendo di pa zuid bayendo direCcion noord. Slachtofferhulp tambe a presenta y asina guia e famia di e victima y tambe e chauffeur. E victima A.D.  di 58 aña di edad su situacion tabata critico y tabata den ICU. Lamentablemente e no a sobrevivi e impacto.  NoticiaCla y Cuerpo Policial ta extende palabra di condolencia na famia di e fayecido.