The Cinema ta pasa documentario ‘Leaving Neverland’

ORANJESTAD – Otro siman dialuna The Cinema ta pasa e documentario tan comenta “Leaving Neverland” unda cu entre otro dos homber ta conta di nan relacion cu e strea di musica internacional Michael Jackson ora cu nan tabata chikito. E tempo ey nan tabatin 7 y 10 aña di edad. Awe nan ta conta cu supuestamente Jackson a abusa di nan. E documentario a estrena prome biaha dia 25 di januari 2019, y a pasa rond mundo. E ta un produccion di HBO y Dan Reed. Hopi cu a wak e, no kier tende mas di e artista mientras cu otronan a sigui sostene. Na Aruba The Cinema ta pasa e documentario aki dialuna awor 7:30pm, y ta costa AFL 8.50.