Conocido periodista di Corsou Yves Cooper deteni ainda

WILLEMSTAD - Conocido periodista na Corsou Yves Cooper ta sigui deteni for di diaranson, riba sospecho di menasa. Cooper y un otro persona lo a haya nan mes envolvi den un pleito y unda cu golpi lo a cay y menasa. Ambos persona a keda deteni, segun vocero di polis di Corsou, pero na final ta Cooper so a keda deteni. Segun abogado di Cooper, Sheldry Osepa, Cooper ta permanece deteni y riba su propio peticion a pidi pa no 'sake ainda' pasobra e ta haciendo un investigacion riba husticia. Osepa a comparti esey riba su pagina di Facebook diahuebs. Ultimo tempo Cooper a haya su mes den basta problema cu gobierno, pa su forma 'agresivo' di raporta, riba e.o.supuesto corupcion di cierto ministernan. E tin mas di 50 mil siguidor riba Facebook, pues tin un  grupo basta grandi di persona su tras cu ta sigui su noticianan. Su forma di actua ta poco excentrico y ta pone cu e ta hala atencion pero no semper ta conta cu aprobacion di e 'mainstream crowd'.