Ruiz: Ainda no tin fecha pa ley di LAFT drenta Parlamento

ORANJESTAD – No ta conoci ki dia e ley di LAFt cu ta regula e autoridad di e colegio di supervision financiero ta yega Parlamento pa tratamento. Asina minister di finanza Xiomara Ruiz a bisa NoticiaCla. Cu esey, gobierno ta canando por lo menos 3 luna laat, ya cu pa e propio protocol cu Aruba a firma cu Hulanda, esaki mester a keda trata prome cu fin di aña pasa. E mandatario a sigura cu e ley ta na caminda si, y cu Parlamento tin autoridad pa haci cambio. Pero si Hulanda ta bay di acuerdo cu ne, ta otro cos. 

TARDANSA

Un di e motibonan di tardansa por ta e hecho cu Rijks Minister Raad conforme e protocol firma aña pasa, tin e ultimo palabra. Pues tin un bay bin entre Hulanda y Aruba prome cu e ‘version’ di ley ta completa. Parlamento por tin autoridad pa haci e cambio, pero su RMR no aproba e cambionan ey, e ley no tin validez. Segun e mandatario, ta cosnan cu nos tin cu biba cune ora cu nos ta biba den Reino. Si dado caso RMR no aproba e cambionan di Parlamento, lo tin cu bay discuti esaki cu Hulanda na nivel di Reino. 

LEY MALOE mandatario a sigui mustra cu e ley no ta uno sin problema pa cual mester adapta esaki consecuentemente. Segun gobierno ta papia te hasta cu e ley lo tin elementonan aden cu ta hacie contra constitucion. Y tanten cu RMR tin cu aproba esaki, nan mester wak esaki prome cu e pasa posiblemente tambe, cu ta haci cu e proceso ta tardando. E intencion ta pa solamente cambia e normanan, pero Parlamento tin e derecho di haci mas cambio. Esey ta e intencion tambe di e Parlamento, aunke cu esaki no ta cuadra cu e palabracion di e protocol. Aki ta unda cu Ruiz ta mustra cu lo tin problema si RMR no aproba e cambionan.  NOTA: E potret di NOTICIACLA ta durante un reunion entre gobierno y CAFT na October di 2018.